الەم • 26 شىلدە، 2020

وزبەكستاندا كارانتين ۇزارتىلدى

362 رەت كورسەتىلدى

وزبەكستاندا كارانتيندىك شەكتەۋلەر 10 شىلدەدەن باستاپ 15 تامىزعا دەيىن ۇزارتىلادى. بۇل شەشىمدى رەسپۋبليكالىق ارنايى كوميسسيا قابىلدادى، -  دەپ حابارلايدى Egemen.kz.

"وزبەكستاندا 1 تامىزعا دەيىن قولدانىستا بولعان كارانتينگە قويىلاتىن شەكتەۋلەر 15 تامىزعا دەيىن ۇزارتىلدى"، - دەپ حابارلادى شتاب Telegram كانالىنداعى حابارلامادا. ۇزارتۋ تۋرالى شەشىمدى كوروناۆيرۋسپەن كۇرەس جونىندەگى ارنايى كوميسسيا قابىلدادى.

ەستەرىڭىزگە سالا كەتەيىك، 10 شىلدەدەن باستاپ رەسپۋبليكادا كارانتيندىك شارالار قايتادان كۇشەيتىلدى. ەلدە قالالاردا، سونداي-اق وبلىستار اراسىندا كولىك قوزعالىسى شەكتەۋلى. قوعامدىق ءىس-شارالارعا، ۇيلەنۋ تويلارىنا جانە باسقا راسىمدەرگە تىيىم سالىنادى. 65 جاستان اسقان ادامدارعا قوعامدىق ورىنداردا جۇرۋگە تىيىم سالىنادى.

دەمالىس كۇندەرى جەكە كولىك قۇرالدارىنىڭ قوزعالىسىنا، سونداي-اق تاكسي قىزمەتتەرىنىڭ، ازىق-ت ۇلىككە جاتپايتىن دۇكەندەر مەن بازارلاردىڭ جۇمىسىنا تىيىم سالىنادى. ەلىمىزدە شاشتارازدار مەن سۇلۋلىق سالوندارى جابىق، تاماقتانۋ ورىندارى تەك جەتكىزۋ ءۇشىن جۇمىس ىستەيدى.

ايتا كەتەيىك، بۇعان دەيىن پرەزيدەنت شاۆكات ميرزيوەۆ "كوروناۆيرۋستىق پاندەميادان زارداپ شەككەندەردى ازايتۋ، سانيتارلىق-ەپيدەميولوگيالىق سالاۋاتتىلىق پەن دەنساۋلىق ساقتاۋ جۇيەسىن تۇبەگەيلى جاقسارتۋ جونىندەگى شارالار تۋرالى" جارلىققا قول قويعان بولاتىن.

قۇجاتقا سايكەس رەسپۋبليكادا ءموبيلدى توپتار قۇرىلادى، ولاردىڭ قۇرامىنا مەديتسينالىق ۋنيۆەرسيتەتتەردىڭ تۇلەكتەرى كىرەدى، ولار ەپيدەميولوگيالىق جاعدايى قيىن اۋداندارعا جۇمىسقا تارتىلادى. سونداي-اق، مەملەكەت باسشىسى ەكى اپتا ىشىندە مەديتسينالىق مەكتەپتەردىڭ تۇلەكتەرى، زەينەتكەرلەر جانە باسقا دا مەديتسينا قىزمەتكەرلەرى ەسەبىنەن اۋىلدىق مەديتسينالىق ورتالىقتارداعى، وتباسىلىق ەمحانالارداعى جانە ورتالىق كوپ سالالى ەمحانالارداعى شاعىن جانە ورتا مەديتسينالىق پەرسونال ءۇشىن بوس جۇمىس ورىندارىنىڭ تولىق تولتىرىلۋىن قامتاماسىز ەتۋدى تاپسىردى.

 

سوڭعى جاڭالىقتار

ۇقساس جاڭالىقتار