وتكەن تاۋلىكتە الەمنىڭ 40-قا جۋىق ەلىندە كوروناۆيرۋس جۇقتىرعانداردىڭ سانى رەكوردتىق دەڭگەيگە جەتتى. ينفەكتسيالانعاندار ادەتتەگىدەي اقش-تا, برازيليادا, ءۇندىستاندا عانا ەمەس, اۆستراليادا, جاپونيادا, فرانتسيادا, گونكونگتا, بوليۆيادا, سۋداندا, ەفيوپيادا, بولگاريادا, بەلگيادا, وزبەكستاندا, ۋكراينادا, يزرايلدە دە كوبەيدى.
كارانتيندىك شەكتەۋلەردى الىپ تاستاعان نەمەسە جەڭىلدەتكەن بۇل مەملەكەتتەرە كوروناۆيرۋسقا شالدىققانداردىڭ سانى وسىمەن تاعى دا شارىقتاۋ شەگىنە جەتىپ وتىر.
فرانتسياعا ەپيدەميانىڭ ەكىنشى تولقىنى جەتتى. سوڭعى 24 ساعاتتا مۇندا مىڭنان استام ادامنان قاۋىپتى ينفەكتسيا تابىلعان.
اۆستراليانىڭ ۆيكتوريا شتاتىندا كەشەدەن بەرى كوروناۆيرۋستى 357 ادام جۇقتىرىپ, تاعى بەسەۋى قايتىس بولدى. سوندىقتان, حالىقتى ماسكا تاعۋعا مىندەتتەيتىن ستراتەگيا ءوز كۇشىن جويماي وتىر.
وڭتۇستىك كورەيادا 24 ساعاتتا 113 ادامعا Covid-19 دياگنوزى قويىلدى. وسىلايشا, كەيىنگى ءتورت ايدا جۇقتىرعانداردىڭ تاۋلىكتىڭ سانى العاش رەت 100-دەن اسىپ وتىر. جالپى العاشا, ەپيدەميا باستالعالى بۇل مەملەكەتتە قاۋىپتى ينفەكتسيا 147 مىڭنان استام ادامنان تابىلىپ, 298-ءى قايتىس بولعان.
رەسەيدە ۆيرۋس جۇقتىرعاندار سانى 807 مىڭعا جۋىقتادى. پاندەميانىڭ بەتى قايتپاسا دا, ماسكەۋدەن, سانكت-پەتەربۋرگتەن جانە دونداعى روستوۆتان تۇركياعا, تانزانياعا, ۇلىبريتانياعا اۋە رەيستەرى تامىزدىڭ العاشقى كۇنىنەن باستاپ اۋە رەيستەرى قايتا اشىلادى.
