بەلارۋس پرەزيدەنتى الەكساندر لۋكاشەنكو رەسەي فەدەرتسياسى قۇرامىنداعى كالينينگراد وبلىسىنىڭ اۋماعىن ەجەلدەن بەلورۋس جەر دەپ ەسەپتەيدى. بۇل تۋرالى «ينتەرفاكس» اگەنتتىگى حابارلادى.
اگەنتتىك ءتىلشىسىنىڭ مالىمەتىنە قاراعاندا, بەلورۋس باتكاسى ەندى بۇل وبلىستى قايتارىپ الۋعا قارسى ەمەس. مۇندا ول اۋىل شارۋاشىلىعى بيزنەسىن دامىتقان بولار ەدى.
«مەن كالينينگراد وبلىسىن بىزگە قايارىڭدار دەگەندى ءجيى ايتىپ كەلەمىن, - دەدى لۋكاشەنكو. – ءبىز ونداعى ءاربىر سوتىق جەردى, ءاربىر گەكتار جەردى جىرتىپ, ەگىن ەگىپ, گۇلدەنگەن ولكە جاساعان بولار ەدىك».
«مەن بۇل جەرلەردى قۋانا قابىلداپ الار ەدىم», - دەدى ول باق وكىلدەرىمەن بولعان كەزدەسۋى كەزىندە تاعى دا.
بۇل اڭگىمە جاقىندا ليتۆا مەملەكەتى رەسەي مەن ونىڭ باتىستاعى بولىگى – كالينينگراد وبلىسىنىڭ ءبىر-بىرىمەن قارىم-قاتىناس جولىن جاۋىپ تاستاماق بولىپ, ايبات شەكككەننەن كەيىن شىعىپ وتىر.
ساكەن مايلىباي.
