ءبىر اپتا ىشىندە پوليتسەيلەر, ەپيدەميولوگتار, ۆولونتەرلەر, جەرگىلىكتى اتقارۋشى ورگان وكىلدەرىنەن قۇرالعان ءموبيلدى توپ نۇر-سۇلتان قالاسىندا 227 كارانتين ءتارتىبىن بۇزۋ فاكتىسىن تىركەدى.
ونىڭ 146-سى ماسكا تاعۋ مەن الەۋمەتتىك قاشىقتىقتى ساقتاۋ سىندى مىندەتتى تالاپتار بولسا, 81-ءى تىيىم سالىنعان ۋاقىتتا قىزمەتىن جالعاستىرعان كاسىپكەرلەرگە قاتىستى. قازىرگى ۋاقىتتا استانادا مونيتورينگ جاسايتىن 16 ءموبيلدى توپ بار.
پوليتسەيلەر ويىن-ساۋىق ورىندارى, قوعامدىق تاماقتانۋ وبەكتىلەرى, ساۋنا, مونشا, اتتراكتسيونداردى تەكسەرىپ, ولاردىڭ يەلەرىنە كارانتين ەرەجەلەرى تۋرالى ەسكەرتەدى. سونىمەن قاتار كارانتين ەرەجەسىن بۇزۋ فاكتىلەرىن انىقتايدى.
نۇر-سۇلتان قالاسىنىڭ پوليتسيا دەپارتامەنتى ازاماتتاردى قوعامدىق ورىندارداعى ەرەجەگە جاۋاپكەرشىلىكپەن قاراپ, سانيتاريا تالاپتارىن ساقتاۋعا شاقىرادى. كوروناۆيرۋس تارالماس ءۇشىن پوليتسەيلەر مەن ۆولونتەرلەر تۇرعىندارعا كارانتين ءتارتىبىن ساقتاۋ مەن جەكە قورعانىس قۇرالدارىن تاعۋدىڭ ماڭىزى جونىندە ءتۇسىندىرۋ جۇمىستارىن جۇرگىزەدى.
