سونىمەن قاتار, ۇكىمەتتىك دەلەگاتسيا حالىققا كورسەتىلەتىن تەگىن مەديتسينالىق كومەكتىڭ 24 ءتۇرى بويىنشا قىزمەت ەتىپ جاتقان قالالىق ەمحانانىڭ جۇمىسىن تەكسەردى. ەرالى توعجانوۆ نۇر-سۇلتان قالاسىنداعى ەمحانالاردىڭ جۇمىسىن ۇيىمداستىرۋ تاجىريبەسىندەگى ءۇش باعىتقا ەرەكشە توقتالدى. ولار ءموبيلدى توپپەن ۇيدە سيمپتومسىز جۇمىس ىستەۋ, پاتسيەنتتەردى ونلاين-قابىلداۋ جانە ەمحانادا ناۋقاستاردى ەكى ايماققا ءبولۋ ارقىلى تىكەلەي ەمدەۋ. جالپى, ماڭعىستاۋ وبلىسىندا “COVID-19” ىندەتىمەن كۇرەسۋ ءۇشىن 2000-عا جۋىق مەديتسينا قىزمەتكەرلەرى جۇمىلدىرىلىپ, 126 ءموبيلدى توپ ۇيىمداستىرىلدى.
پرەمەر-ءمينيستردىڭ ورىنباسارى ەرالى توعجانوۆ بارلىق مەديتسينا قىزمەتكەرلەرىنە العىسىن ءبىلدىرىپ, ۇكىمەت تاراپىنان جان-جاقتى قولداۋ كورسەتۋگە دايىن ەكەندىگىن اتاپ ءوتتى.
