قولداۋ كورسەتۋ - ەكى باعدارلامانى, جۇمىس ىستەپ تۇرعان كاسىپورىنداردى قولداۋ باعدارلاماسىن جانە يمپورت الماستىرۋ باعدارلاماسىن جۇزەگە اسىرۋ ارقىلى جۇرگىزىلەدى.
ا.پىرمەتوۆتىڭ ايتۋىنشا, اعىمداعى جىلدىڭ ماۋسىم ايىندا وتكەن قوردى باسقارۋ كەڭەسىنىڭ وتىرىسىندا كەڭەس جانە ونىڭ توراعاسى قازاقستاندىق كاسىپورىنداردى قولداۋدىڭ جاڭا باعدارلاماسىن قولدادى.
باعدارلاما "سامۇرىق-قازىنا" كومپانيالار توبىنىڭ ءوز ونىمدەرىن وتكىزۋمەن بايلانىستى پروبلەمالارى بار كاسىپورىندارمەن تىكەلەي شارتتار جاساسۋدى كوزدەيدى. الىشەر پىرمەتوۆتىڭ ايتۋىنشا, بۇل كومپانيالار توبىنا قاجەتتى تاۋارلاردى ساتىپ الۋعا, ال كاسىپورىندارعا وندىرىستىك پروتسەستى توقتاتپاۋعا جانە جۇمىس ورىندارىن ساقتاۋعا مۇمكىندىك بەرەدى.
جۇمىس ىستەپ تۇرعان كاسىپورىنداردى قولداۋ باعدارلاماسىنىڭ ناتيجەلەرى بويىنشا 38 ءوندىرۋشىنى قامتىعان 28,3 ملرد.تەڭگە سوماسىنا 47 جوبا قارالدى. كاسىپورىنداردىڭ جوسپارلانعان جۇكتەمەسى ورتا ەسەپپەن 35% - دان 85% - عا دەيىن ۇلعايادى, توقتاپ تۇرعان 2000 جۇمىس ورنى قالپىنا كەلتىرىلىپ, 800 جاڭا جۇمىس ورنى قۇرىلادى. سونىمەن قاتار, اتالعان ارتىقشىلىقتار مەن پايدالاردان باسقا, وندىرىستىك جۇكتەمەنى ارتتىرۋ ەسەبىنەن بيۋدجەتكە 6 ملرد.تەڭگەگە جۋىق سالىق تۇسەدى.
"جاڭا تاسىلدەردى ەنگىزۋ جۇمىس ىستەپ تۇرعان كاسىپورىنداردى قولداۋدىڭ ناقتى تەتىگى بولا وتىرىپ, جۇمىس ورىندارىن ساقتاپ قانا قويماي بيۋدجەتكە قوسىمشا سالىق تۇسىمدەرىن قامتاماسىز ەتەتىن جاڭا وندىرىستەر قۇرۋعا مۇمكىندىك بەرەدى.قور وتاندىق تاۋار وندىرۋشىلەردى قولداۋ بويىنشا جۇيەلى جۇمىستى جالعاستىرۋعا نيەتتى. مۇنداي جۇيەلىك شارالار قازاقستان ەكونوميكاسىنا داعدارىس جاعدايىنان تاۋارلىق نارىق كونيۋنكتۋراسىنا تاۋەلدى بولماي, جاڭا الەۋەتپەن شىعۋعا كومەكتەسەدى", - دەدى الىشەر پىرمەتوۆ.
الىشەر پىرمەتوۆ سونداي-اق 2019 جىلى ىسكە قوسىلعان يمپورت الماستىرۋ باعدارلاماسى تۋرالى ەسكە سالدى, ونىڭ اياسىندا يمپورت الماستىرۋعا باعىتتالعان جاڭا وندىرىستەردى ناقتى قۇرۋعا باعىتتالعان جاڭا باستامالاردى قولداۋ ءۇشىن وففتەيك كەلىسىمشارتتارىنىڭ مەحانيزمى ىسكە اسىرىلۋدا. ءوز كەزەگىندە, قور كومپانيالار توبى وندىرۋشىلەرگە ولاردىڭ ونىمدەرىن ساتىپ الۋعا كەپىلدىك بەرەدى.
2018-2020 جىلدار قورىتىندىلارى بويىنشا قوردىڭ كومپانيالار توبى 37 وففتەيك-شارت جاسادى, ينۆەستيتسيا كولەمى 218 ملرد تەڭگەنى قۇرادى, 2000 جاڭا جۇمىس ورنى قۇرىلدى جانە كاسىپورىندار 11,5 ملرد تەڭگە سالىق تولەدى.
الىشەر پيرمەتوۆ كاسىپكەرلەرمەن جانە تاۋار وندىرۋشىلەرمەن بايلانىس ءۇشىن ارنايى قۇرىلعان https://svoyzavod.kz/ ۆەب-سايتىن ۇسىندى, مۇندا يمپورتقا الماستىرۋعا ارنالعان تاۋارلار پۋلىنا باس تارتۋ تۋرالى كەلىسىم جاساسۋعا نەمەسە تاۋارلار پۋلىنا قوسۋعا ءوتىنىش بەرۋگە بولادى.
ەستەرىڭىزگە سالا كەتەيىك, "سامۇرىق-قازىنا" قورى 2020 جىلدى كاسىپكەرلىكتى قولداۋ جىلى دەپ جاريالادى.
