24 شىلدە، 2020

اسسامبلەيا 151 ميلليون تەڭگەنىڭ كومەگىن كورسەتتى

18 رەت كورسەتىلدى

قازاقستان حالقى اسسامبلەياسى پنەۆمونيا دەرتى ۋشىققان سوڭعى ءبىر ايدا اق حالاتتى ابزال جاندار مەن پروۆيزورلىق ورتالىقتارعا  قول ۇشىن سوزىپ،  151 443 526 تەڭگەگە قاجەتتى ءدارى-دارمەك پەن وكپەنى جاساندى جەلدەتۋ اپپاراتتارىن ساتىپ الدى، - دەپ حابارلايدى Egemen.kz.

سونىمەن قاتار، اۋرۋحاناداعى ناۋقاستارعا توسەك جايمالارى، گيگيەنالىق زاتتار، انتيسەپتيك، بەتپەردە، ىستىق تاماق تاراتىپ، جەمىس-جيدەك جەتكىزدى. ەم الىپ جاتقاندارعا شيپا بولسىن دەگەن نيەتپەن تۇيە، سيىر، بيە، ەشكى سۇتتەرى مەن ايران، سۇزبە، قۇرت-ىرىمشىك ۇلەستىرىلدى.

اسسامبلەيانىڭ ەرىكتى جاستارى ءوز كولىكتەرىمەن مەديتسينا ماماندارىنا تەگىن تاكسي قىزمەتىن كورسەتىپ، ەگدە جاستاعى جانە جالعىز باستى تۇرعىنداردى ۆيرۋسقا قارسى پرەپاراتتارمەن، الدىڭعى شەپتەگى مەديتسينا قىزمەتكەرلەرى وتباسىنان وقشاۋ تۇرىپ جاتقان قوناقۇيلەردى ەت ونىمدەرى مەن كوكونىسپەن قامتاماسىز ەتتى. وتتەگى باللوندارىن ىزدەستىرۋ، باللونداردى تولتىرۋ، تاسىمالداۋ جۇمىستارىنا اتسالىستى.

بۇدان بولەك، قحا مۇشەلەرى مەديتسينا قىزمەتكەرلەرىنە، جەدەل-جاردەم كولىكتەرىنە 7 توننا جانار-جاعار ماي قۇيىپ بەرىپ، باسپاناسىز قالعان جالعىزباستى انالاردى قامقورلىققا الدى.

سونىڭ ىشىندە اقتوبە، سولتۇستىك قازاقستان، اتىراۋ، قاراعاندى، شىعىس قازاقستان، تۇركىستان، جامبىل وبلىسىنىڭ ەتنومادەني بىرلەستىكتەرى ەرەكشە بەلسەندىلىك تانىتىپ، جەرگىلىكتى اۋرۋحانالارعا رەسەيدەن الىنعان وتتەگى كونتسەنتراتورلارىن، تىنىس الۋ اپپاراتتارى مەن دەزينفەكتسيالىق قۇرالدار، ەلەكتروكارديوگراف، ەلەكتروتەرموكواگۋلياتور تارتۋ ەتتى.

قازىرگى ساتتە بارلىق ەتنومادەني بىرلەستىكتەر قۇربان ايت مەرەكەسىنە وراي "مىڭ العىس" اكتسياسىن قولعا الۋعا قىزۋ دايىندالىپ جاتىر. ەندىگى كەزەكتە اق حالاتتى ابزال جانداردىڭ وتباسىنا قارجىلاي كومەك بەرىلىپ، مەرەكەلىك داستارحان ءۇشىن ازىق-ت ۇلىك سەبەتتەرى تارتۋ ەتىلمەك.

ەستەرىڭىزگە سالا كەتسەك، قازاقستان حالقى اسسامبلەياسى ناۋرىز ايىندا ەنگىزىلگەن توتەنشە جاعداي كەزىندە رەسپۋبليكالىق ء"بىز بىرگەمىز!" اكتسياسى اياسىندا مۇقتاج ازاماتتارعا 376 454 347 تەڭگەگە قارجىلاي كومەك كورسەتىپ، 515 مىڭنان استام مەديتسينالىق ماسكا تاراتقان ەدى.

ال ماقتاارالدا ورىن العان سۋ تاسقىنىنان زارداپ شەككەندەرگە دە ەتنوس وكىلدەرى جۇدىرىقتاي جۇمىلىپ، 101 936 000 تەڭگەگە 335 توننا گۋمانيتارلىق كومەك پەن قۇرىلىس ماتەريالدارىن جونەلتكەن بولاتىن.

بىلتىرعى جىلى اسسامبلەيانىڭ ءارتۇرلى دەڭگەيدەگى قايىرىمدىلىق شارالارعا كورسەتكەن كومەگى 4،5 ملرد تەڭگەگە جۋىقتايدى.

سوڭعى جاڭالىقتار

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

قاراعاندىدا كارانتين كۇشەيتىلدى

ايماقتار • بۇگىن، 08:09

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:59

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار