"مەن اقتوبە وبلىسىندا جۇمىس ساپارىمەن ءجۇرمىن. ءبىر كۇن بۇرىن "قازحروم" افز-نىڭ ءوندىرىس الاڭىن ارالادىم. كومپانيا باسشىلىعىنا N1, 2 تسەحتارىنىڭ قالدىقتارىن 30%-عا ازايتۋ جونىندەگى العان مىندەتتەمەلەرىن مۇمكىندىگىنشە تەزىرەك ورىنداۋ قاجەتتىگىن نۇسقادىم", - دەپ جازدى مينيستر جۇمادا.
"سونىمەن قاتار, "قازحروم" جالعا العان مەردىگەر كومپانيالاردىڭ جۇمىستاردى ورىنداماۋى سالدارىنان جيناقتالعان قالدىقتاردى ءتيىستى دارەجەدە ۇقساتۋ ءۇشىن جەدەل شارالار قابىلداۋى كەرەك", - دەپ تولىقتىردى ەكولوگيا ءمينيسترى.
ءمينيستردىڭ ايتۋىنشا, وسى جانە باسقا دا ماسەلەلەر مينيسترلىكتىڭ كەلەسى اپتاداعى جيىنىندا قارالادى.
"سونداي-اق وبلىستاعى سۋ رەسۋرسىنىڭ جاعدايىن, وڭىردەگى يرريگاتسيالىق ينفراقۇرىلىمدى قۇرۋ جانە جاڭعىرتۋ جۇمىسىنىڭ بارىسىمەن تانىستىم. وڭىردە بۇل جۇمىستاردىڭ وڭ ناتيجەسى بىلىنەدى: فەرمەرلەر جاڭا جەرلەردى يگەرۋدە, جوڭىشقا ەگىنىن كوبەيتۋدە (جىلىنا 4 رەت ءونىم الادى), شيكىزاتتى وڭدەپ, ەكسپورتقا جىبەرۋدە. سونداي-اق, ءسۇت فەرمالارىن دامىتۋ جوسپارلانعان. الداعى مىندەت - وبلىستاعى سۋارمالى جەرلەردى 32 900-دەن 69,967 گا-عا دەيىن ۇلعايتۋ" , - دەدى مىرزاعاليەۆ.
