قر اۋىل شارۋاشىلىعى مينيسترلىگى بۇقارالىق اقپارات قۇرالدارىندا 22 جانە 23 شىلدەدە شقو قۇتىرما اۋرۋى تۋرالى تاراعان حابارلاماعا تۇسىنىكتەمە بەردى.
پريۆولنوە اۋىلىندا 11 باس ءىرى قارا مال ءولىمى تىركەلگەن. ونىڭ تورتەۋىنەن زەرتحانالىق ناتيجەلەر بويىنشا قۇتىرما اۋرۋىنىڭ ولىمگە سەبەپ بولعاندىعى انىقتالدى.
ءبىر سىنامادان تەرىس ناتيجە كورسەتتى. قالعان التى جاعداي بويىنشا قازىرگى ۋاقىتتا زەرتحانالىق زەرتتەۋلەر جالعاسۋدا: ليۋمينەستسەنتتى ميكروسكوپيادان تەرىس ناتيجەلەر الىندى, اق تىشقانداردىڭ بيوسىناماسىنا باقىلاۋ جالعاسۋدا (قۇتىرما اۋرۋىن زەرتتەۋ 30 كۇنگە سوزىلادى).
پريۆولنوە اۋىلىنداعى بارلىق جانۋارلارعا, سونىڭ ىشىندە ءىرى قارا مالعا, جىلقىلار مەن يتتەرگە جەدەل ەگۋ, جەكە اۋلالاردا دەزينفەكتسيالىق ەمدەۋ جۇرگىزىلدى, جانۋارلاردىڭ ولەكسەسى ورتەلدى.
ناتيجەسىندە, ايماقتا سوڭعى 10 كۇن ىشىندە اۋىرعان مال ءولىمى تىركەلگەن جوق. ەپيزووتيكالىق جاعداي ۆەتەرينارلىق قىزمەتتىڭ باقىلاۋىندا.
ايتا كەتۋ كەرەك, قۇتىرما اۋرۋىنان ولگەن مال يەلەرىنە كەلتىرىلگەن زالالدىڭ شىعىنى وتەلەدى. وتەماقى الۋ ءۇشىن بانكتىك شوتتىڭ ءنومىرى مەن جەكە كۋالىگىن كورسەتۋ قاجەت. ال, مال يەسى ەكەنىن راستايتىن جانە ونىڭ ءولۋ سەبەبىن انىقتايتىن قۇجاتتاردى جەرگىلىكتى ۆەتەريناريا ءبولىمىنىڭ ماماندارى بەرەدى.
