قازىر ۇيىم ەكپەنى الەم بويىنشا قولجەتىمدى ەتۋ بويىنشا جۇمىس جۇرگىزىپ جاتىر. "ۆاكتسينا بايلارعا دا, كەدەيلەرگە دە بىردەي بۇيىرادى", - دەپ باسا ايتتى حالىقارالىق ۇيىم ماماندارى.
سونداي-اق, ۇيىم وكىلدەرى كوروناۆيرۋستىڭ اۋىر تۇرىمەن اۋىرعان ناۋقاستاردىڭ تەز وڭالۋىنا كومەكتەسەتىن كەڭەس ازىرلەدى. وڭالتۋ جاتتىعۋلارى دەمىكپەنى توقتاتۋ, فيزيكالىق جاتتىعۋلار, سويلەۋ مەن جۇتىنۋ فۋنكتسيالارىن قالپىنا كەلتىرۋ جانە سىرقاتتان كەيىنگى پسيحولوگيالىق قيىندىقتاردى جەڭۋگە كومەكتەسەدى.
28 بەتتەن تۇراتىن كەڭەستەر تىزىمىندە فيزيكالىق كۇيىڭىزدى انىقتاۋعا كومەكتەسەتىن جاتتىعۋ بار. ەگەر تۇتاس سويلەمدى ۇزبەي, ءبىر دەممەن ايتىپ شىعا الساڭىز فيزيكالىق جۇكتەمەنى ارتتىرۋعا بولادى.
ەگەر ءۇزىپ-ءۇزىپ ايتساڭىز, جاعدايىڭىز قالىپتى, جاتتىعۋلاردى جالعاستىرا بەرىڭىز دەيدى ماماندار. ال تىنىسىڭىز تارىلسا جاتتىعۋدى توقتاتقان ءجون. الايدا بۇل كەڭەستەر مەديتسينالىق وڭالتۋ باعدارلاماسىن تولىق الماستىرا المايدى, تەك سەپ بولادى دەيدى دەنساۋلىق ساقتاۋ ۇيىمى.
