كەزدەسۋدە قالا اكىمىنىڭ ورىنباسارى اسقاربەك ەسجانوۆ ادام جانىنا اراشا ءتۇسىپ جۇرگەن مەديتسينا قىزمەتكەرلەرىنە مۇنداي قولداۋ الداعى ۋاقىتتا دا جالعاساتىنىن جەتكىزدى.
ىندەتپەن كۇرەستە ءوڭىردىڭ ەرىكتى تۇرعىندارى بەلسەندىلىك تانىتىپ كەلەدى. ەرىكتىلەر قاتارىندا كاسىپكەرلەر, قۇرىلىسشىلار, ءماسليحات دەپۋتتارى دا بار. جومارت جۇرەك جانداردىڭ ارقاسىندا از ۋاقىتتا 41 ملن تەڭگەدەن اسا قارجى جينالىپ, ايماق ورتالىعىنداعى ەمدەۋ مەكەمەلەرىنە قاجەتتى قۇرال-جابدىقتار الىندى. ونىڭ ىشىندە 48 وتتەگى كونتسەنتراتورى بار. ەل جاندى ازاماتتاردىڭ قولداۋى جۇتىم اۋاعا ءزارۋ جانداردىڭ كوڭىلىنە مەدەۋ بولدى.
