وڭتۇستىك كورەيادان جەتكىزىلگەن اپپاراتتاردىڭ قۇنى 700 مىڭ تەڭگەدەن اسادى. قازىرگى تاڭدا بۇل مەديتسينالىق اپپارات - پنەۆمونياعا شالدىققان ناۋقاستاردى ەمدەۋدە تاپتىرمايتىن قۇرال بولىپ وتىر.
اۋدان اكىمىنىڭ ورىنباسارى بەيسەنباي تورەبەكوۆ پەن اۋداندىق "مىرزاكەنت" اۋرۋحاناسىنىڭ باس دارىگەرى بەرىك ەسىمحانوۆ اپپاراتتاردى اۋرۋحاناعا جەتكىزىپ بەرگەن كاسىپكەردىڭ وتباسىنا العىس ءبىلدىرىپ, وسىنداي قيىن كەزەڭدە حالقىنا سۇيەنىش بولا بىلگەن ازامات ناعىز "بۇگىنگى كۇننىڭ باتىرى" ەكەنىن اتاپ ءوتتى.
“قازىر اۋرۋحانامىزعا پنەۆمونيا دياگنوزىمەن ءتۇسىپ جاتقان ناۋقاستار كوپ. اۋرۋ اسقىنعان جاعدايدا ادامنىڭ وكپەسىندەگى تىنىس الۋ جولدارىن زاقىمدايدى. ناۋقاسقا وتتەگى جەتىسپەي قينالادى. مىنە, وسىنداي جاعدايدا وتتەگى كونتسەنتراتورىنىڭ ماڭىزى زور" – دەدى "مىرزاكەنت" اۋرۋحاناسىنىڭ باس دارىگەرى بەرىك ناعاشبەك ۇلى.
ايتا كەتەيىك, كاسىپكەر دانيار اتاشوۆ بۇعان دەيىن دە "مىرزاكەنت" اۋرۋحاناسىنا بالالارعا جەدەل مەديتسينالىق قىزمەت كورسەتۋگە ارنالعان 2 وتتەگى كونتسەنتراتورىن الىپ بەرگەن.
