كورونوۆيرۋسقا شالدىققان ادام بىردەن تولىققاندى ايىعىپ كەتپەيدى. اعزا قالىپقا كەلۋى ءۇشىن ءبىراز ۋاقىت كەرەك. عالىمدار وسىلاي دەيدى. سوندىقتان دارىگەر نۇسقاۋىنسىز انتيبيوتيك قابىلداماي, وڭالتۋ شارالارىنا ءمان بەرگەن ءجون.
بريتاندىق عالىمدار 4 ميلليونداي ادامعا زەرتتەۋ جۇرگىزىلىپ, ناتيجەسىندە سونىڭ 10 پروتسەنتىندە 4-7 اپتاعا دەيىن السىزدىك, شارشاۋ بولعانىن انىقتاعان. ال ونى ەمدەۋدىڭ ءتاسىلى جوق. سوندىقتان قالىپقا كەلۋ ءۇشىن -جاقسى كوڭىل -كۇي كەرەك, ۇيقى قانىق, تاماق دۇرىس بولعانى ءجون. كومىرسۋ مەن اقۋىزعا باي تاعامدار اعزاداعى جاسۋشالاردىڭ جۇمىسىن جاقسارتادى. باكتەريالاردى جويىپ, ۆيرۋسقا قارسى انتيدەنە قالىپتاستىرادى.
مامانداردىڭ ايتۋىنشا, قالىپتى جاعدايعا ورالۋ ءۇشىن, مال مەن قۇس ەتى كومەكتەسەدى. اسىرەسە, جىلقى ەتىن تۇتىنۋ - اعزاعا كۇش بەرىپ, يممۋنيتەتتى نىعايت ادى.
اۋىرىپ بولعان ادامدا ۆيرۋسقا قارسى انتيدەنە 3 اي عانا ساقتالادى. ال كەيبىرەۋلەردە اۋرۋعا قارسى يممۋنيتەت تۇزىلمەيدى. سوندىقتان ولار ۆيرۋستى قايتا جۇقتىرۋى ابدەن مۇمكىن. ول ءتىپتى بىرنەشە رەت قايتالانۋى دا عاجاپ ەمەس. سەبەبى كوپ جاعدايدا ناۋقاستار ءدارى-دارمەكتى دارىگەر نۇسقاۋىنسىز پايدالانادى. اسىرەسە انتيبيوتيكتىڭ زيانى كوپ.
انتيبيوتيكتەر توزىمدىلىكتى شاقىرادى. ياعني, ءسىز كەيىن باكتەريالدىق باسقا ينفەكتسيامەن اۋىرساڭىز بۇل انتيبيوتيك سىزگە كومەكتەسپەيدى. ەكىنشىدەن, يممۋنوسۋپرەسسيا, يممۋندىق جۇيەنى السىرەتەدى, - دەيدى ماماندار.
كوروناۆيرۋس وتە اۋىر وتسە, تامىرلاردا ترومب ءتۇزىلۋى مۇمكىن. قاۋىپتى دەرتتىڭ وسى سەكىلدى وزگە دە سالدارى كوپ. ول ارينە ناۋقاستىڭ جاسىنا, اۋرۋدىڭ دارەجەسىنە بايلانىستى. سوندىقتان دارىگەرلەر ناۋقاسقا ايىققاننان كەيىن بىرنەشە اي وڭالتۋدان وتۋگە كەڭەس بەرەدى.
