شاقىرتۋدىڭ باسىم بولىگى ەگدە جانە ورتا جاستاعى ناۋقاستاردىڭ دەنە قىزۋى كوتەرىلۋى جانە وكپە قابىنۋى بويىنشا. ماسەلەن, وبلىس بويىنشا جرۆي-مەن 150-گە جۋىق, پنەۆمونيامەن 120 جانە كوروناۆيرۋس ينفەكتسياسى بەلگىلەرىمەن 15-كە عا جۋىق شاقىرتۋ تۇسەدى.
وبلىستىق مەديتسينالىق جەدەل-جاردەم ستانتسياسىنىڭ Call-ورتالىعىنا قوڭىراۋ شالۋ كەزىندە دەنە قىزۋى كوتەرىلگەن جانە وكپە قابىنۋ اۋرۋىمەن اۋىرعان نەمەسە Covid 19 بويىنشا سۇراقتارعا 1 دارىگەرلىك, 2 ورتا بۋىندى كەڭەس بەرۋ قىزمەتى دە ۇيىمداستىرىلعان. ماماندار ناۋقاستارعا مەديتسينالىق كەڭەس بەرۋ تۇرعىسىندا تولىق-قاندى جۇمىس جاساۋدا.
ناۋقاستار جاعدايىنا قاراي اۋرۋحانالارعا شۇعىل تاسىمالدانىپ, ەم قابىلداۋدا. وبلىستىق جەدەل مەديتسينالىق جاردەم بەرۋ ستانتسياسىندا تاۋلىگىنە 124 جەدەل جاردەم بريگاداسى ,ونىن ىشىندە تۇركىستان قالاسى بويىنشا 16 جەدەل جاردەم بريگاداسى قىزمەت كورسەتەدى.
"شاقىرتۋ بريگادالارىندا 372 دارىگەر جانە فەلدشەر ماماندارى جۇمىلدىرىلعان. ونىن ىشىندە تۇركىستان قالاسى بويىنشا 32 دارىگەر جانە فەلدشەر,16 جۇرگىزۋشى جۇمىس جاسايدى. قوسىمشا وبلىسقا قاراستى اۋدان, قالا بەكەتتەرىندە دە تاۋلىك بويى ديسپەتچەرلەر قىزمەت كورسەتۋدە. جەدەل-جاردەم كولىكتەرى قوسىمشا 75 دانا وكپەنى جاساندى جەلدەتۋ اپپاراتىمەن قامتىلعان. بۇل ىندەتپەن كۇرەستە بار كۇشىمىزدى جۇمساپ, ءار ناۋقاستىڭ ومىرىنە اراشا بولۋعا دايىنبىز", - دەيدى تۇركىستان وبلىسى مەديتسينالىق جەدەل-جاردەم ستانساسىنىڭ باس دارىگەرى داۋلەت مۇساەۆ.
جەدەل-جاردەم قىزمەتى باسشىسىنىڭ ايتۋىنشا, ايماقتا بارلىق مەديتسينا قىزمەتكەرلەرى قورعانىش كيىمدەرىمەن جانە مەديتسينالىق جاردەمگە قاراستى بولىمشەلەر مەن بەكەتتەر ءدارى-دارمەكتەرمەن تولىق قامتاماسىز ەتىلگەن.
