وتىرىس بارىسىندا COVID-19-عا قارسى ارەكەت ەتۋ كوميسسياسىنىڭ جۇمىس بارىسى, اۋداندىق مونيتورينگ توپتارىنىڭ سانيتارلىق-ەپيدەميولوگيالىق جانە شەكتەۋ شارالارى تالاپتارىنىڭ ساقتالۋى, سونداي-اق ەلوردا دارىحانالارىنداعى ءدارى-دارمەكتەردىڭ باعاسى مەن قول جەتىمدىلىگىن باقىلاۋ ماسەلەلەرى تالقىلاندى.
قازىرگى ۋاقىتتا نۇر-سۇلتان قالاسىنىڭ اۋماعىندا اۋداندىق ءموبيلدى مونيتورينگ توپتارى قۇرىلعان. توپتاردىڭ مىندەتى – جۇرگىزىلىپ جاتقان كارانتين شارالارى بويىنشا ءتۇسىندىرۋ جۇمىستارىن جۇرگىزۋ, سانيتارلىق قورعانىس قۇرالدارىنىڭ (سانيتايزەرلەر, تەپلوۆيزورلار, ماسكالار جانە ت.ب.) بار-جوعىن تەكسەرۋ, سونىمەن قاتار نۇر-سۇلتان قالاسىندا كاسىپكەرلىك سۋبەكتىلەرىنىڭ كارانتين رەجيمىن بۇزۋ فاكتىلەرىن انىقتاۋ جانە جولىن كەسۋ.
"ەسەپتى كەزەڭدە – ۇستىمىزدەگى جىلدىڭ 5-ءشى جانە 20-شى شىلدەسى ارالىعىندا ءموبيلدى مونيتورينگتىك توپتار 335 كاسىپكەرلىك سۋبەكتىلەرىنە سانيتارلىق نورمالاردى ساقتاۋ بويىنشا تەكسەرۋ وتكىزدى, 159 سۋبەكتىدە بۇزۋشىلىقتار انىقتالدى. بۇگىنگى تاڭدا نۇر-سۇلتان قالاسىنىڭ تاۋارلار مەن قىزمەتتەردىڭ ساپاسىن باقىلاۋ دەپارتامەنتىمەن كارانتين شارالارى كەزەڭىندە جۇمىس رەجيمىن بۇزعانى ءۇشىن قر اقبتك-ءنىڭ 425-بابىنىڭ 1-تارماعى بويىنشا 20 اكىمشىلىك ماتەريال جاسالىپ, 20 اكىمشىلىك ايىپپۇل سالىندى (شاعىن كاسىپكەرلىكتىڭ ارقايسىسى 230 اەك مولشەرىندە, ەگەر تولەم 7 كۇن ىشىندە جاسالسا, قىسقارتىلعان تارتىپپەن – 115 اەك, ورتا بيزنەس – 310 اەك, قىسقارتىلعان تارتىپپەن – 155 اەك)", – دەدى ەلوردا اكىمدىگى جانىنداعى توتەنشە جاعدايلاردىڭ الدىن الۋ جانە ولاردى جويۋ جونىندەگى ساراپتامالىق-مونيتورينگ توبىنىڭ جەتەكشىسى شىڭعىس قۋاتبەكوۆ.
سونىمەن قاتار نۇر-سۇلتاندا وتكەن تاۋلىكتە پوليتسيا قىزمەتكەرلەرى, ەپيدەميولوگتار, ەرىكتىلەر, جەرگىلىكتى اتقارۋشى ورگانداردىڭ وكىلدەرى كىرەتىن ءموبيلدى توپتار 78 كارانتين ءتارتىبىن بۇزۋشىلىقتى انىقتادى. ونىڭ 57-ءى ماسكا تاعۋ جانە الەۋمەتتىك قاشىقتىق ساقتاۋدىڭ مىندەتتى تالاپتارىن بۇزعانى ءۇشىن.
"بارلىق مەملەكەتتىك ورگاندار حالىق اراسىندا ءتۇسىندىرۋ جۇمىستارىن جالعاستىرىپ, ازاماتتاردى قوعامدىق ورىنداردا سانيتارلىق نورمالاردى ساقتاۋعا شاقىرۋى كەرەك. دەمالىس كۇندەرى تۇرعىندار توپتىق ويىن-ساۋىق ۇيىمداستىرىپ, ەلوردا شەتىندەگى كولدەردە كارانتين رەجيمىن عانا ەمەس, قورشاعان ورتانى دا لاستاۋدا", – دەدى ب. ماكەن.
وتىرىس سوڭىندا نۇر-سۇلتان اكىمىنىڭ ورىنباسارى اۋدان اكىمدىكتەرىنە پوليتسيا دەپارتامەنتىمەن, تاۋارلار مەن قىزمەتتەردىڭ ساپاسىن باقىلاۋ دەپارتامەنتىمەن بىرلەسىپ, قالا ماڭىنداعى اۋداندارعا رەيد جۇرگىزۋدى جانە كارانتين رەجيمى مەن قورشاعان ورتانى قورعاۋ قاجەتتىلىگى تۋرالى حالىقپەن پروفيلاكتيكالىق اڭگىمەلەسۋ جۇرگىزۋدى تاپسىردى.
