الايدا, بۇل شەكتەۋ شارالارى ءاردايىم ورىندالماي وتىر. ەپيدەميا قايتا ءورشىپ, كوپتەگەن كۆارتالدار مەن قالالار كارانتينگە الىنعاندىقتان, بيزنەس تاعى دا ۇلكەن قيىندىقتارعا تاپ بولدى.
پاندەميا ەۋروپا وداعىندا 135 مىڭعا جۋىق ادامدى مەرت قىلسا, اقش-تا 141 مىڭداي تۇرعىننىڭ ءومىر قيدى. كوروناۆيرۋس جۇقتىرۋدان ءبىرىنشى ورىندا قۇراما شتاتتار تۇر: داۋاسى جوق اۋرۋعا 3,8 ميلليون امەريكالىق شالدىققان. ودان كەيىن – برازيليا – 2,1 ميلليون ادام. ال, ءۇندىستاندا مۇنداي ناۋقاستاردىڭ سانى 1 ميلليون 160 مىڭعا جاقىنداپ قالدى.
كوروناۆيرۋس پاندەمياسى بۇگىندە وڭتۇستىك افريكادا دا كۇشەيىپ, ونى جۇقتىرعاندار بوتسۆانادا, كەنيادا, ناميبيادا, زامبيادا, زيمبابۆەدە دە كوبەيىپ كەلەدى
دۇنيەجۇزىلىك دەنساۋلىق ساقتاۋ ۇيىمىنىڭ مالىمدەۋىنشە, امەريكا كونتينەنتتەرىندە 70 مىڭنان استام بايىرعى ءۇندىس تە كوروناۆيرۋسقا شالدىعىپ, ەكى مىڭدايى جان ءتاسىلىم ەتكەن.
ۆاشينگتونداعى دجونس حوپكينس ۋنيۆەرسيتەتىنىڭ ەسەبىنشە, الەمدە بۇل ينفەكتسيانى جۇقتىرعاندار جالپى سانى 14 ميلليون 700 مىڭنان اسىپ, 610 مىڭعا جۋىعى قايتىس بولعان.
