قوعام • 21 شىلدە، 2020

31 شىلدە – قۇربان ايت مەرەكەسى

9174 رەت كورسەتىلدى

بۇگىن – زۇلقاعدا ايىنىڭ سوڭعى كۇنى. ەرتەڭ، ياعني 22 شىلدە كۇنى – زۇلحيججا ايى باستالادى. ال 30 شىلدە – اراپا كۇنى بولسا، 31 شىلدە مەن 1-2 تامىز كۇندەرى – قۇربان ايت بولادى. بۇل تۋرالى قازاقستان مۇسىلماندارى ءدىني باسقارماسى حابارلادى، دەپ جازادى  Egemen.kz

زۇلحيججا ايىنىڭ العاشقى ون كۇنى قاسيەتتى كۇندەر بولىپ ەسەپتەلىنەدى. سوندىقتان وسى كەزدە ىنتامەن عيبادات ەتۋ، كوبىرەك ىزگى ءىس ىستەۋ قاجەت. اراپا كۇنى ورازا تۇتۋ – سۇننەت. پايعامبارىمىز (وعان اللانىڭ سالاۋاتى مەن سالەمى بولسىن): "اراپا كۇنى ورازا ۇستاۋ ارقىلى اللادان وتكەن جانە كەلەسى جىلدىڭ كۇناسىن كەشىرۋدى ءۇمىت ەتەمىن"، – دەگەن (مۋسليم).

قۇربان ايت كۇندەرىندە باي ادامعا قۇربان شالۋ – ءۋاجىپ. قۇربان شالۋ اللا تاعالاعا جاقىن بولۋ ءۇشىن، كۇنالار كەشىرىلۋ ءۇشىن، جاراتۋشى يەمىزدىڭ كوپتەگەن نىعمەتتەرىنە شۇكىر ەتۋ ءۇشىن، باي مەن كەدەيگە كەڭشىلىك جاساۋ ءۇشىن مىندەتتەلدى.

اللا تاعالا بارشامىزعا زۇلحيججا ايىن قۇلشىلىقپەن، ساۋاپتى ىستەرمەن وتكىزۋدى جازعاي، قۇربان ايت مەيرامىن بەرەكەلى ەتكەي، جەر بەتىندە تاراعان ىندەتتەن ساقتاپ، ەلىمىزگە اماندىق، جۇرتىمىزعا تىنىشتىق بەرگەي!

سوڭعى جاڭالىقتار

ۇقساس جاڭالىقتار