مەديتسينا • 21 شىلدە، 2020

ماسق ىندەتكە قارسى كۇرەسكەن 6 مىڭ مەديتسينا قىزمەتكەرىنە ۇستەمەاقى تولەيدى

118 رەت كورسەتىلدى

ۇستەمەاقى تولەۋ ءۇشىن نۇر-سۇلتان قالاسى بويىنشا مەديتسينالىق ساقتاندىرۋ قورىنان 4،3 ملرد تەڭگە ءبولىندى. قور قارجى وپەراتورى رەتىندە مەديتسينا قىزمەتكەرلەرىنىڭ ناۋرىزدان ماۋسىم ايى ارالىعىندا جالاقىسىنا قوسىمشا 32 ملرد استام تەڭگە تولەيدى، دەپ حابارلايدى Egemen.kz

مەديتسينالىق ساقتاندىرۋ قورىنىڭ نۇر-سۇلتان قالاسى بويىنشا فيليالى قاۋىپتى جاعدايدا جۇمىس ىستەيتىن دارىگەرلەر مەن مەديتسينا قىزمەتكەرلەرىنىڭ سانى اي سايىن ارتىپ كەلە جاتقانىن حابارلادى. ەگەر ناۋرىز ايىندا ۇستەمە اقىنى 1،8 مىڭنان استام قىزمەتكەر السا، مامىر ايىندا ولاردىڭ سانى 2،4 مىڭ ادامعا دەيىن ءوستى. ەندى ماسق ماۋسىم ايىنا تولەم جاسايدى.

كوروناۆيرۋس بويىنشا ەپيدەمياعا قارسى ءىس-شارالارعا تارتىلعان مەديتسينا قىزمەتكەرلەرىن ىنتالاندىرۋ جانە كوتەرمەلەۋ ءۇشىن جالاقىعا ۇستەمەاقى قاراستىرىلعان. دەنساۋلىق ساقتاۋ مينيسترلىگىنىڭ بۇيرىعىمەن تاۋەكەل توپتار، الۋشىلاردىڭ ءتىزىمىن قالىپتاستىرۋ ءتارتىبى جانە تولەمدەر مولشەرى انىقتالدى. تاۋەكەل توبىنا بايلانىستى مەديتسينا قىزمەتكەرلەرىنە 212 مىڭ تەڭگەدەن (5 اەك) 850 مىڭ تەڭگەگە دەيىن (20 اەك) قوسىمشا اقى بەرىلدى.

ەستەرىڭىزگە سالا كەتەيىك، ۇستەمەاقى الۋشىلار ءتىزىمىن جەدەل شتاب جانىنان قۇرىلعان وڭىرلىك كوميسسيا جاساقتايدى. كوميسسيا توراعاسى اكىمدەردىڭ ورىنباسارلارى، سونداي-اق ونىڭ قۇرامىنا مەديتسينالىق ساقتاندىرۋ قورى فيليالدارىنىڭ قىزمەتكەرلەرى، وڭىرلىك مەملەكەتتىك باس سانيتارلىق دارىگەر، دەنساۋلىق ساقتاۋ باسقارمالارىنىڭ، ۇكىمەتتىك ەمەس ۇيىمداردىڭ وكىلدەرى كىرەدى.

ال مەديتسينالىق ساقتاندىرۋ قورى ءتىزىم بويىنشا دەرەكتەردىڭ دەنساۋلىق ساقتاۋ ءمينيسترىنىڭ "COVID-19 كوروناۆيرۋسپەن كۇرەس شەڭبەرىندە ەپيدەمياعا قارسى ءىس-شارالارعا تارتىلعان دەنساۋلىق ساقتاۋ ۇيىمدارىنىڭ قىزمەتكەرلەرىن قارجىلىق قولداۋداعى كەيبىر ماسەلەلەر تۋرالى" بۇيرىعىنا سايكەستىگىن تەكسەرەدى.

ەگەر مەديتسينالىق قىزمەتكەرلەرىندە ۇستەمە اقىعا قاتىستى سۇراقتار تۋىنداسا، وڭىرلىك كوميسسياعا جۇگىنۋى قاجەت.

كوروناۆيرۋقا شالدىققان مەديتسينا قىزمەتكەرلەرىنە قوسىمشا قارجىنى ەڭبەك جانە حالىقتى الەۋمەتتىك قورعاۋ مينيسترلىگى وڭىرلىك كوميسسيا شەشىمى نەگىزىندەگى دەنساۋلىق ساقتاۋ باسقارمالارىنىڭ ءوتىنىشى بويىنشا تولەيدى.

سوڭعى جاڭالىقتار

ۇمىتىلماس تاريحي ءسات

پىكىر • بۇگىن، 07:43

باتىل كوزقاراس، بايىپتى جول

پىكىر • بۇگىن، 07:42

ەل سەنىمىن ارتتىرعان

پىكىر • بۇگىن، 07:41

قاپىسىز حالىق قالاۋى

پىكىر • بۇگىن، 07:40

شاعىن بيزنەستىڭ شاراپاتى

بيزنەس • بۇگىن، 07:39

ساپالى ينتەرنەت قولجەتىمدى

قوعام • بۇگىن، 07:35

جاس ساياساتكەر مەكتەبى

قوعام • بۇگىن، 07:33

ماماندىق تاڭداۋدىڭ ماڭىزى

قوعام • بۇگىن، 07:31

شابانباي بيگە قۇرمەت

ايماقتار • بۇگىن، 07:30

ەيس جاساۋدىڭ شەبەرى

تەننيس • بۇگىن، 07:25

اققان جۇلدىز ىزىمەن

تانىم • كەشە

ۇقساس جاڭالىقتار