"قازاقستاندا توتەنشە جاعداي ەنگىزۋ كەزەڭىندە 2020 جىلعى 31 ناۋرىزىنا دەيىن مەملەكەتتىك اتاۋلى الەۋمەتتىك كومەكتى الۋشىلاردىڭ قاۋىپسىزدىگى ۇشىن ااك كەلەسى توقسانعا (2 توقسانعا) ازاماتتاردىڭ ءوتىنىشىنسىز اۆتوماتتى تۇردە ۇزارتىلدى. مۇنداي شارا ەلىمىزدە پاندەميانىڭ تارالۋىنا جول بەرمەۋ ماقساتىندا عانا ەنگىزىلدى", - دەلىنگەن حابارلامادا.
ال, 2020 جىلعى 3 توقساندا (شىلدە-قىركۇيەك) ەلدەگى كوروناۆيرۋس ىندەتىنىڭ تارالۋى جاعدايىن ەسكەرىپ, قىزمەت الۋشىلارمەن تىكەلەي بايلانىستى بولدىرماۋ ءۇشىن ەڭبەك جانە حالىقتى الەۋمەتتىك قورعاۋ مينيسترلىگى ء"وتىنىش بەرۋشىلەردىڭ قاتىسۋىنسىز ااك تاعايىنداۋ" تۋرالى شەشىم قابىلدادى.
بۇل ءۇشىن "الەۋمەتتىك كومەك" اۆتوماتتاندىرىلعان اقپاراتتىق جۇيەسىندە بارلىق بەلسەندى ااك الۋشىلارعا 2020 جىلعى 30 ماۋسىمداعى جاعداي بويىنشا 2 توقساننىڭ تابىسىن ەسكەرە وتىرىپ, 3 توقسانعا ارنالعان وتىنىشتەر اۆتوماتتى تۇردە قالىپتاستىرىلدى.
ايتا كەتۋ كەرەك, 3 توقسانعا ااك تاعايىنداۋ كەزىندە وتباسىنىڭ جيىنتىق تابىسىنا كەيبىر تابىستار ەسەپكە الىنباعان:
- بىرىڭعاي جيىنتىق تابىس (بجت);
- توتەنشە جاعداي كەزەڭىنە الەۋمەتتىك تولەم (42500 تەڭگە)
سونداي-اق, ااك-گە العاش رەت ءوتىنىش بەرەتىن ازاماتتار egov.kz ەلەكتروندىق ۇكىمەت پورتالى ارقىلى "بايلانىسسىز" تاپسىرۋعا مۇمكىندىك جاسالعان.
