قايىرىمدىلىق جۇگىن جونەلتكەن ازامات اتىن اتاماۋدى ءوتىنىپ "سىرقاتتارعا شيپا بولسىن!", - دەگەن جالعىز اۋىز تىلەگىن جولداعان.
ۆيرۋس جۇقتىرىپ, وكپەسى قابىنعان ادامدارعا اسا قاجەتتى دەنە قىزۋىن تۇسىرەتىن, اۋرۋدىڭ ۋشىعۋىنا جول بەرمەۋ ءۇشىن ەگىلەتىن دارىلەر, يممۋنيتەت كۇشەيتەتىن دارۋمەندەر. سوناۋ ماسكەۋدەن جەتكەن جۇك كولىگىنە مۇنان باسقا دا مەديتسينالىق پرەپاراتتار تيەلگەن. ءبارى دە دارىگەرلەردىڭ كەڭەسى بويىنشا جىبەرىلىپتى.
دارىگەرلەردىڭ ايتۋىنشا, ىشىندە قاجەتتى دارىلەر كلەاكسان, دەكسەمەتازول سياقتى قازىر تاپشى بولىپ تابىلماي تۇرعان, انتيبيوتيكتەر وتە كوپ. سونداي-اق, 8 وتتەگى كونتسەنتراتورىن دا جىبەرگەن.
سىبايلاس جەمقورلىققا قارسى ءىس-قيمىل دەپارتامەنتى قىزمەتكەرلەرى دارىلەردىڭ سىرتقى قورابىنا "تەگىن تاراتىلادى" دەگەن ءمور سوقتى. اتىن اتاماۋدى سۇراعان باياناۋىل تۋماسىنىڭ تۋعان ەلىنە جولداعان جالعىز ءوتىنىشى وسى.
اۋاسى شيپالى بولا تۇرا باياناۋىل وڭىرىندە ۆيرۋس جۇقتىرعاندار سانى باسقا اۋداندارعا قاراعاندا كوبىرەك. دەسە دە كوڭىلگە مەدەۋ بولىپ تۇرعانى - ءدارى جەتكىلىكتى. سىرقاتتى ۋشىقتىرماي جىلدام ەمدەپ جىبەرۋگە مۇمكىندىك مول, - دەيدى دارىگەرلەر.
