2013 جىلعى 20 اقپان, استانا قالاسى
اگروونەركاسىپتىك كەشەنى سالاسىنداعى مامانداردىڭ سايكەستىگىن راستاۋ جانە بىلىكتىلىكتى بەرۋ قاعيداسىن بەكىتۋ تۋرالى
قازاقستان رەسپۋبليكاسىنىڭ 2007 جىلعى 15 مامىرداعى ەڭبەك كودەكسىنىڭ 138-6-بابىنا سايكەس بۇيىرامىن:
1. قوسا بەرىلىپ وتىرعان اگروونەركاسىپتىك كەشەنى سالاسىنداعى مامانداردىڭ سايكەستىگىن راستاۋ جانە بىلىكتىلىكتى بەرۋ قاعيداسى بەكىتىلسىن.
2. الەۋمەتتىك ساياسات باسقارماسى (س.س. لەپەشكو):
1) بەلگىلەنگەن تارتىپپەن وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدەن ءوتۋىن قامتاماسىز ەتسىن;
2) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدەن وتكەننەن كەيىن رەسمي تۇردە جاريالاسىن;
3) وسى بۇيرىقتى قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى اۋىل شارۋاشىلىعى ۆيتسە-ءمينيسترى م.ە. تولىباۆقا جۇكتەلسىن.
4. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ا.مامىتبەكوۆ.
قازاقستان رەسپۋبليكاسى اۋىل شارۋاشىلىعى ءمينيسترىنىڭ
2013 جىلعى 20 اقپانداعى № 20/88 بۇيرىعىمەن بەكىتىلگەن
اگروونەركاسىپتىك كەشەنى سالاسىنداعى مامانداردىڭ
سايكەستىگىن راستاۋ جانە بىلىكتىلىكتى بەرۋ قاعيداسى
1. جالپى ەرەجەلەر
1. اگروونەركاسىپتىك كەشەنى سالاسىنداعى مامانداردىڭ سايكەستىگىن راستاۋ جانە بىلىكتىلىكتى بەرۋ قاعيداسى (بۇدان ءارى – قاعيدا) قازاقستان رەسپۋبليكاسىنىڭ 2007 جىلعى 15 مامىرداعى ەڭبەك كودەكسىنىڭ (بۇدان ءارى – ەڭبەك كودەكسى) 138-6-بابىنا سايكەس ازىرلەندى جانە مىنالاردىڭ ءتارتىبىن انىقتايدى:
1) ماماندىق بويىنشا بىلىكتىلىكتىڭ ۇلتتىق شەڭبەرى (بۇدان ءارى - بۇش) جانە بىلىكتىلىكتىڭ سالالىق شەڭبەرى (بۇدان ءارى - بسش) دەڭگەيلەرىنە سايكەس كەلەتىن ماماندىعى/كاسىبى بويىنشا ءبىلىمىنىڭ, ىسكەرلىگى مەن قۇزىرەتىنىڭ (كاسىبي بىلىكتىلىگىنىڭ) سايكەستىگىن راستاۋ;
2) اگروونەركاسىپتىك كەشەنى سالاسىندا ءتيىستى لاۋازىمدى اتقارۋ ءۇشىن بىلىكتىلىكتى (بىلىكتىلىك رازريادىن/ساناتىن) الۋعا نيەت بىلدىرگەن تۇلعالارعا ءبىلىمىنىڭ, ىسكەرلىگى مەن ماشىعىنىڭ بار ەكەندىگى تۋرالى بىلىكتىلىكتى بەرۋ.
2. قاعيدا قازاقستان رەسپۋبليكاسىنىڭ ازاماتتارىنا, سونىمەن قاتار قازاقستان رەسپۋبليكاسىنىڭ اۋماعىندا اگروونەركاسىپتىك كەشەنى سالاسىندا ەڭبەك قىزمەتىن جۇزەگە اسىراتىن شەتەلدىك ماماندارعا, ونىڭ ىشىندە:
1) تەحنيكالىق جانە كاسىپتىك (ورتا ارنايى, ورتا كاسىپتىك), جوعارعى ءبىلىم بەرۋ ۇيىمدارىن, كادرلاردى دايارلاۋدى, قايتا دايارلاۋدى, بىلىكتىلىگىن ارتتىرۋدى جۇزەگە اسىراتىن كاسىپتىك وقىتۋ ورتالىقتارىن بىتىرگەن تۇلعالارعا;
2) بىلىكتىلىگىن (بىلىكتىلىك رازريادى/ساناتى) ارتتىرعىسى كەلەتىن ۇيىمداردىڭ قىزمەتكەرلەرىنە;
3) ءتيىستى ماماندىق (ماماندىعى/بىلىكتىلىگى) بويىنشا جۇمىس ءوتىلى ءبىر جىلدان كەم ەمەس, ماماندىقتى (ماماندىق/بىلىكتىلىك) ءوز بەتىمەن يگەرگەن تۇلعالارعا قولدانىلادى.
3. وسى قاعيدادا مىنا تەرميندەر مەن انىقتامالار قولدانىلادى:
1) باعالاۋ – ناتيجەسىندە سەرتيفيكاتتاۋ تۋرالى شەشىم قابىلداناتىن, ونىڭ كومەگىمەن ۇمىتكەردىڭ سايكەستىكتى راستاۋ جانە بىلىكتىلىكتى بەرۋ سحەماسىندا بەلگىلەنگەن تالاپتارعا سايكەستىگى بەلگىلەنەتىن پروتسەسس;
2) بەرىلگەن سەرتيفيكاتتاردى ەسەپكە الۋ ءتىزىلىمى – بەرىلگەن سەرتيفيكاتتاردى ەسەپكە الۋ جۋرنالى;
3) بىلىكتىلىك – كاسىپتىك قىزمەتتىڭ ءتيىستى ءتۇرىنىڭ شەڭبەرىندە جۇمىستاردى ورىنداۋ ءۇشىن قاجەتتى كاسىپتىك ءبىلىمنىڭ, ىسكەرلىگىنىڭ, جۇمىس تاجىريبەسى مەن ماشىقتارىنىڭ جيىنتىعى;
4) بىلىكتىلىكتى بەرۋ – اگروونەركاسىپتىك كەشەنى سالاسىنداعى ناقتى ماماندىق بويىنشا ءتيىستى كاسىپتىك قىزمەت ءتۇرىنىڭ شەڭبەرىندە جۇمىستى ورىنداۋ ءۇشىن قاجەتتى جەكە قابىلەتتىلىكتەردىڭ, كاسىپتىك ءبىلىمنىڭ, ىسكەرلىك پەن داعدىلار جيىنتىعىن راستاۋ ءراسىمى;
5) بىلىكتىلىك دەڭگەيى – جۇمىستاردى ورىنداۋ كەزىندە كۇردەلىلىگىن, ستاندارتتى ەمەستىگىن جانە جاۋاپكەرشىلىك دارەجەسىن ەسەپكە الاتىن بۇش جانە بسش-تا بىلىكتىلىكتىڭ ءتۇرلى دەڭگەيلەرىنە قويىلاتىن تالاپتاردىڭ جيىنتىعى;
6) بىلىكتىلىك سايكەستىگىن راستاۋ – سەرتيفيكاتتالعان تۇلعانىڭ اگروونەركاسىپتىك كەشەنى سالاسىندا بەلگىلەنگەن بىلىكتىلىك تالاپتارى مەن ستاندارتتارعا تۇراقتى سايكەستىگىن كەپىلدەندىرەتىن سەرتيفيكات تۇرىندە ناتيجەسى قۇجاتتامالىق كۋالاندىرۋ بولىپ تابىلاتىن ءراسىم;
7) ەمتيحان – ۇمىتكەردىڭ قۇزىرەتتىلىك دارەجەسىن ءبىر نەمەسە بىرنەشە تاسىلدەر ارقىلى, مىسالى, جازباشا, اۋىزشا, پراكتيكامەن, باقىلاۋ ارقىلى, سونداي-اق ماماندىقتىڭ ەرەكشەلىكتەرىن ەسكەرەتىن قوسىمشا تاسىلدەرمەن انىقتايتىن, باعالاۋ بولىگى بولىپ تابىلاتىن تەتىك;
8) ەمتيحان الۋشى – ءتيىستى قىزمەت سالاسىندا سەرتيفيكاتتالاتىن ماماننىڭ دەڭگەيىنەن تومەن ەمەس كاسىپتىك ءبىلىمى جانە ەمتيحان جۇرگىزىلەتىن سالاداعى كاسىپتىك قىزمەتتە كەمىندە بەس جىل پراكتيكالىق قىزمەت تاجىريبەسى بار, ەمتيحاندى وتكىزەتىن جانە/نەمەسە باعالايتىن تۇلعا;
9) قايتا سەرتيفيكاتتاۋ – سايكەستىكتى راستاۋ جانە بىلىكتىلىكتى بەرۋ سەرتيفيكاتىنىڭ قولدانىلۋ مەرزىمىنىڭ ءبىتۋى بويىنشا سەرتيفيكاتتاۋ ءراسىمىنىڭ قايتادان وتكىزىلۋى;
10) قۇزىرەتى – ماماننىڭ ءبىلىمدى جانە/نەمەسە ماشىقتاردى قولدانۋ قابiلەتتiلiگى جانە, قاجەت بولعان جاعدايدا, سايكەستىكتى راستاۋ جانە بىلىكتىلىكتى بەرۋ سحەماسىندا اتالعان جەكە قاسيەتتەرى;
11) قۇزىرەتتىلىك – بۇش جانە بسش بىلىكتىلىك دەڭگەيلەرىنىڭ تالاپتارى شەڭبەرىندە كاسىپتىك مىندەتتەردى تابىستى شەشۋگە ارنالعان قۇزىرەتتەردىڭ جيىنتىعى;
12) مامانداردىڭ سايكەستىگىن راستاۋ جانە بىلىكتىلىكتى بەرۋ جونىندەگى ورگان – مامانداردىڭ سايكەستىگىن راستاۋ جانە بىلىكتىلىكتى بەرۋ بويىنشا جۇمىستاردى ورىنداۋ ءۇشىن بەلگىلەنگەن تارتىپتە اككرەديتتەلگەن زاڭدى تۇلعا;
13) مامانداردىڭ سايكەستىكتى راستاۋ جانە بىلىكتىلىكتى بەرۋ سحەماسى – اگروونەركاسىپتىك كەشەنى سالاسىنداعى بۇش, بسش-مەن جانە كاسىپتىك ستاندارتتارمەن بەلگىلەنگەن تالاپتارعا مامانداردىڭ سايكەستىگىن وسى جۇمىستى جۇرگىزۋدىڭ ناقتى كەزەڭدەرىن سيپاتتاۋمەن انىقتايتىن ءتاسىل;
14) سايكەستىكتى راستاۋ جانە بىلىكتىلىكتى بەرۋ سەرتيفيكاتى – ماماننىڭ بىلىكتىلىك تالاپتارىنا, سونداي-اق كاسىپتىك قىزمەتتىڭ ءتيىستى تۇرىنە ارنالعان كاسىپتىك ستاندارتتارعا بىلىكتىلىگىنىڭ سايكەستىگى دەڭگەيىن (كاسىپتىك قۇزىرەتىنىڭ دەڭگەيىن) راستايتىن قۇجات;
15) سايكەستىكتى راستاۋ جونىندەگى ساراپشى-اۋديتور – نورماتيۆتىك قۇقىقتىق اكتىلەردى مەملەكەتتىك تىركەۋدىڭ № 5827 تىزىلىمىندە تىركەلگەن «سايكەستىكتى راستاۋ, تاۋاردى شىعارعان ەلدى ايقىنداۋ جانە اككرەديتتەۋ جونىندەگى ساراپشى-اۋديتورلاردى اتتەستاتتاۋ ەرەجەسىن بەكىتۋ تۋرالى» قازاقستان رەسپۋبليكاسى يندۋستريا جانە ساۋدا ءمينيسترىنىڭ مىندەتىن اتقارۋشىنىڭ 2009 جىلعى 9 قازانداعى № 274 بۇيرىعىمەن بەلگىلەنگەن تارتىپتە اتتەستاتتالعان مامان;
16) سەرتيفيكاتتاۋ – مامانداردىڭ سايكەستىگىن راستاۋ جانە بىلىكتىلىكتى بەرۋ جونىندەگى ورگان ارقىلى تۇلعانىڭ بۇش, بسش-دە بىلىكتىلىك جانە قۇزىرەتتىلىك دەڭگەيىنە قويىلاتىن بەلگىلەنگەن تالاپتارعا جانە كاسىپتىك ستاندارتتارعا سايكەستىگىن بەلگىلەيتىن جانە سايكەستىكتى راستاۋ جانە بىلىكتىلىكتى بەرۋدى راستاۋ تۋرالى ءتيىستى سەرتيفيكاتتى بەرەتىن ءراسىم;
17) ۇمىتكەر – اگروونەركاسىپتىك كەشەنى سالاسىنداعى ماماننىڭ بىلىكتىلىگىن يەلەنۋگە ۇمىتكەر ءوتىنىش بەرۋشى;
18) شاعىم-ارىز – ماماندىقتاردىڭ سايكەستىگىن راستاۋ جانە بىلىكتىلىكتى بەرۋ جونىندەگى ورگان قابىلداعان شەشىمدى قايتا قاراۋ تۋرالى ۋاجدەۋ ساۋالى بار, سەرتيفيكاتتاۋدان وتكەن ۇمىتكەردىڭ نەمەسە تۇلعانىڭ جازباشا تۇردەگى ءوتىنىشى.
2. مامانداردىڭ سايكەستىگىن راستاۋ جانە بىلىكتىلىكتى بەرۋ ءتارتىبى
1-پاراگراف. جالپى تالاپتار
4. مامانداردىڭ سايكەستىگىن راستاۋدى جانە بىلىكتىلىكتى بەرۋدى, مامانداردىڭ سايكەستىگىن راستاۋ جانە بىلىكتىلىكتى بەرۋ جونىندەگى ورگان (بۇدان ءارى - سرو) جۇزەگە اسىرادى.
5. مامانداردىڭ سايكەستىگىن راستاۋ جانە بىلىكتىلىكتى بەرۋ ەرىكتى سيپاتتا بولادى جانە ەكونوميكانىڭ ءارتۇرلى سالالارىندا جۇمىس ىستەيتىن تۇلعالاردىڭ نەمەسە جۇمىسقا نە لاۋازىمدىق قىزمەتكە ورنالاسۋ ءۇشىن ءتيىستى بىلىكتىلىك الۋعا نيەت بىلدىرگەن تۇلعالاردىڭ باستاماشىلىعى/نيەتى بويىنشا جۇرگىزىلەدى.
6. اگروونەركاسىپتىك كەشەنى سالاسىنداعى مامانداردىڭ بىلىكتىلىگىن بۇش-كە سايكەس بسش-ءنىڭ بىلىكتىلىك دەڭگەيلەرى بويىنشا ەڭبەك كودەكسىنىڭ 138-5-بابىنا سايكەس بەكىتىلگەن كاسىپتىك ستاندارتتار نەگىزىندە سرو بەرەدى جانە راستايدى.
7. سايكەستىكتى راستاۋ جانە بىلىكتىلىكتى بەرۋ تۋرالى وتىنىشتەردى سرو جىل بويى قابىلدايدى جانە ءوتىنىش تۇسكەن كۇننەن باستاپ ون جۇمىس كۇنى ىشىندە قارايدى. سايكەستىكتى راستاۋ جانە بىلىكتىلىكتى بەرۋ ءوتىنىشىنىڭ نىسانى وسى قاعيداعا 1-كوسىمشادا كەلتىرىلگەن.
8. مامانداردىڭ سايكەستىگىن راستاۋ جانە بىلىكتىلىكتى بەرۋ راسىمدەرىن جۇرگىزۋ ماقساتىندا سرو جانىنان وكىلەتتىك مەرزىمى ءبىر كۇنتىزبەلىك جىل بولاتىن تاۋەلسىز بىلىكتىلىك كوميسسياسى (بۇدان ءارى - كوميسسيا) قۇرىلادى.
2-پاراگراف. تاۋەلسىز بىلىكتىلىك كوميسسياسى قىزمەتىنىڭ ءتارتىبى
9. كوميسسيا سرو بۇيرىعىمەن قۇرىلادى جانە كوميسسيا تۋرالى ەرەجە (بۇدان ءارى - ەرەجە) نەگىزىندە جۇمىس ىستەيدى. ەرەجە وسى قاعيدالارعا سايكەس ازىرلەنەدى جانە سرو بەكىتەدى.
10. كوميسسيا:
1) اگروونەركاسىپتىك كەشەنى سالاسىنداعى مامانداردىڭ سايكەستىگىن راستاۋ جانە بىلىكتىلىكتى بەرۋ سحەماسىنا سەرتيفيكاتتاۋ پروتسەسىنىڭ سايكەستىگىن قامتاماسىز ەتەدى;
2) سەرتيفيكاتتاۋ بويىنشا سرو شەشىمدەردى قابىلداۋ ءۇشىن ەمتيحان ناتيجەلەرى بويىنشا سرو-عا قۇجاتتالعان قورىتىندىنى بەرەدى;
3) سايكەستىكتى راستاۋ جانە بىلىكتىلىكتى بەرۋ سحەماسىنا سايكەس ەمتيحان الۋشىلاردىڭ كاسىپتىك قۇزىرەتتىلىگىن تالداۋدى جانە باعالاۋدى وتكىزەدى;
4) ءوز قىزمەتى پروتسەسىندە الاتىن بۇكىل اقپاراتتىڭ قۇپيالىعىن ساقتايدى.
5) كوميسسيا جۇمىسىنىڭ ءتارتىبىن, راسىمدەرىن جانە ادىستەرىن انىقتايدى;
6) ۇسىنىلعان وتىنىشتەردى قارايدى;
7) سرو رەسمي سايتىندا وتىرىستاردى وتكىزۋدىڭ كۇنى مەن ۋاقىتىن ورنالاستىرادى;
8) ۇمىتكەرلەردەن, سەرتيفيكاتتالعان تۇلعالاردان نەمەسە ولاردىڭ جۇمىس بەرۋشىلەرىنەن جانە باسقا دا مۇددەلى تۇلعالاردان كەلىپ تۇسكەن وتىنىشتەردى قارايدى.
11. كوميسسيانىڭ قۇرامىنا توراعا, قارالاتىن سەرتيفيكاتتاۋ سالاسىنداعى ساراپشى-اۋديتور, كوميسسيا مۇشەلەرى كىرەدى.
كوميسسيا توراعاسى ساراپشى-اۋديتورلاردىڭ, جەرگىلىكتى اتقارۋشى ورگانداردىڭ, كادرلاردى دايارلاۋ مەن تەحنيكالىق جانە كاسىپتىك ءبىلىم بەرۋدى دامىتۋ جونىندەگى سالالىق جانە وڭىرلىك كەڭەستەردىڭ, جۇمىس بەرۋشىلەردىڭ سالالىق بىرلەستىكتەرىنىڭ, اگروونەركاسىپتىك كەشەنى ۇيىمدارىنىڭ, قىزمەتكەرلەردىڭ سالالىق بىرلەستىكتەرىنىڭ وكىلدەرى اراسىنان تاعايىندالادى.
كوميسسيا مۇشەلەرى, سونىمەن قاتار ساراپشى-اۋديتورلار, جەرگىلىكتى اتقارۋشى ورگانداردىڭ, كادرلاردى دايارلاۋ مەن تەحنيكالىق جانە كاسىپتىك ءبىلىم بەرۋدى دامىتۋ جونىندەگى سالالىق جانە وڭىرلىك كەڭەستەردىڭ, اگروونەركاسىپتىك كەشەنى ۇيىمدارىنىڭ, عىلىمي-زەرتتەۋ ۇيىمدارىنىڭ, جۇمىس بەرۋشىلەردىڭ سالالىق بىرلەستىكتەرىنىڭ, قوعامدىق بىرلەستىكتەردىڭ, قىزمەتكەرلەردىڭ سالالىق بىرلەستىكتەرىنىڭ وكىلدەرى اراسىنان تاعايىندالادى.
12. كوميسسيا توراعاسى:
1) كوميسسيانىڭ جۇمىسىن ۇيىمداستىرادى;
2) كوميسسيانىڭ وتىرىستارىن وتكىزەدى;
3) سايكەستىكتى راستاۋ جانە بىلىكتىلىكتى بەرۋ ءراسىمىنىڭ وبەكتيۆتىلىگىن جانە اشىقتىعىن قامتاماسىز ەتەدى;
4) سرو-عا كوميسسيانىڭ جۇمىسى بويىنشا قورىتىندىلاردىڭ تالداۋىن ۇسىنادى جانە ونىڭ جۇمىسىن جەتىلدىرۋ جونىندەگى ۇسىنىستاردى ەنگىزەدى;
5) ەمتيحان ناتيجەلەرى بويىنشا بىلىكتىلىكتى راستاۋ نەمەسە راستاماۋ تۋرالى حاتتامانى بەكىتەدى.
13. كوميسسيانىڭ حاتشىسى:
1) كوميسسيا مۇشەلەرىنە وتىرىستىڭ كۇنى مەن ۋاقىتىن حابارلايدى;
2) كوميسسيا وتىرىستارىنىڭ حاتتاماسىن جۇرگىزەدى;
3) بەلگىلەنگەن تارتىپتە كوميسسيا جۇمىسىنىڭ ماتەريالدارىن راسىمدەيدى جانە سرو-عا بەكىتۋگە جىبەرەدى.
14. حاتشى كوميسسيا مۇشەسى بولىپ تابىلمايدى.
15. ەمتيحان الۋشىلار:
1) ءوزىنىڭ كاسىپتىك قىزمەتىنە قاتىستى بارلىق وزگەرىستەر تۋرالى اقپاراتتى سرو-عا ۇسىنادى;
2) ءوزىنىڭ قۇزىرەتتىلىگى دەڭگەيىن ءاردايىم جەتىلدىرەدى جانە ارتتىرادى;
3) ءوز قىزمەتى پروتسەسىندە الىناتىن بارلىق اقپاراتتىڭ قۇپيالىعىن ساقتايدى.
16. سايكەستىكتى راستاۋ نەمەسە ءتيىستى بىلىكتىلىكتى بەرۋ تۋرالى كوميسسيانىڭ شەشىمى بويىنشا ەركىن نىساندا راسىمدەلەتىن حاتتاما جاسالادى جانە شەشىم قابىلداۋ ءۇشىن سرو-عا جىبەرىلەدى.
17. سرو تومەندەگى شەشىمدەردىڭ ءبىرىن قابىلدايدى:
1) ماماندىق بويىنشا بىلىكتىلىكتى راستاۋ نەمەسە باس تارتۋ جانە سايكەستىكتى راستاۋ جانە بىلىكتىلىك سەرتيفيكاتىن (بۇدان ءارى – سەرتيفيكات) بەرۋ تۋرالى;
2) ماماندىق بويىنشا ءتيىستى ءبىلىم دەڭگەيىنە بىلىكتىلىك بەرۋ نەمەسە باس تارتۋ جانە سەرتيفيكات بەرۋ تۋرالى.
3-پاراگراف سايكەستىكتى راستاۋدىڭ جانە بىلىكتىلىكتى بەرۋدىڭ ءتارتىبى
18. سايكەستىكتى راستاۋ جانە بىلىكتىلىكتى بەرۋدى راستاۋ تارتىبىندە سرو مىنالاردى قامتيدى:
1) ۇمىتكەردەن وتىنىشتەردى قابىلداۋ;
2) وسى قاعيدانىڭ 2-كوسىمشاسىنا سايكەس نىسان بويىنشا سايكەستىكتى راستاۋ جانە بىلىكتىلىكتى بەرۋ جوسپارىنا سايكەس ماتەريالداردى باعالاۋ;
3) سرو مەن ۇمىتكەردىڭ اراسىندا تاراپتاردىڭ جاۋاپكەرشىلىگىن, قۇقىقتارى مەن مىندەتتەرىن كورسەتە وتىرىپ, سايكەستىكتى راستاۋ جانە بىلىكتىلىكتى بەرۋ بويىنشا جۇمىستاردى جۇرگىزۋگە شارتتى راسىمدەۋ;
4) سايكەستىكتى راستاۋ جانە بىلىكتىلىكتى بەرۋ سحەماسىنىڭ تالاپتارىنا جانە باعالاۋدىڭ قۇجاتتالعان ناتيجەلەرىنە سايكەس ەمتيحان وتكىزۋ;
5) سەرتيفيكاتتاۋ بويىنشا شەشىمدەر قابىلداۋ;
6) وسى قاعيدانىڭ 3-كوسىمشاسىنا سايكەس نىسان بويىنشا سەرتيفيكاتتى بەرۋ;
7) سايكەستىكتى راستاۋ جانە بىلىكتىلىكتى بەرۋ سحەماسىنا سايكەس قايتا سەرتيفيكاتتاۋ. قايتا سەرتيفيكاتتاۋ پروتسەسى ۇمىتكەر ۇسىنعان ءوتىنىش نەگىزىندە جۇرگىزىلەدى;
8) بەرىلگەن سەرتيفيكاتتاردى ەسەپكە الۋ تىزىلىمىندەگى ءتيىستى جازبامەن سەرتيفيكاتتى بەرۋ.
4-پاراگراف. شاعىم-ارىز كوميسسياسى قىزمەتىنىڭ ءتارتىبى
19. سرو شەشىمىمەن كەلىسپەيتىن تۇلعالاردىڭ ءوتىنىشى شاعىم-ارىز كوميسسياسىنا سرو شەشىمىن العاننان كەيىن جەتى جۇمىس كۇنى ىشىندە تاپسىرىلادى. شاعىم-ارىزدى قاراۋ مەرزىمى جەتى جۇمىس كۇنىن قۇرايدى.
20. شاعىم-ارىز كوميسسياسى سرو باسشىسىنىڭ بۇيرىعىمەن قۇرىلادى جانە سرو شەشىمىمەن ازىرلەنىپ, بەكىتىلەتىن شاعىم-ارىز كوميسسياسى تۋرالى ەرەجە نەگىزىندە جۇمىس اتقارادى.
21. شاعىم-ارىز كوميسسياسى:
1) سرو شەشىمىنە شاعىمدانۋشى ۇمىتكەردىڭ جازباشا ءوتىنىشىن قارايدى;
2) تۇسكەن شاعىمداردىڭ قاتاڭ ەسەبىن جۇرگىزەدى;
3) سايكەستىكتى راستاۋ سحەماسىن وزگەرتۋ جانە بىلىكتىلىكتى بەرۋ تۋرالى ۇسىنىستار ەنگىزەدى.
شاعىم-ارىز كوميسسياسى ەمتيحان ناتيجەلەرىن باعالاۋ بارىسىنىڭ دۇرىستىعىن, تالاپتاردىڭ ساقتالۋىن جانە داۋلى ماسەلەلەردىڭ شەشىمىن تەكسەرەدى.
22. شاعىم-ارىز كوميسسياسى قابىلدانعان شەشىمدەردى قۇجات تۇرىندە راستايدى, بۇل رەتتە ءوز قىزمەتى پروتسەسىندە الاتىن بۇكىل اقپاراتتىڭ قۇپيالىعىن ساقتايدى.
3. قورىتىندى ەرەجەلەر
23. ەمتيحاندى جاقسى تاپسىرعان تۇلعالارعا سەرتيفيكات بەرىلەدى.
24. سەرتيفيكات:
1) تەحنيكالىق جانە كاسىپتىك, جوعارى ءبىلىم بەرۋ ۇيىمدارىن بىتىرگەن, ديپلوم العان كۇننەن باستاپ كۇنتىزبەلىك ءبىر جىل ىشىندە سەرتيفيكاتتاۋدان وتكەن تۇلعالار ءۇشىن مەرزىمسىز بولىپ تابىلادى;
2) وسى تارماقتىڭ 1) تارماقشاسىندا كورسەتىلگەن تۇلعالاردى قوسپاعاندا, بارلىعىنا ءۇش جىل مەرزىممەن بەرىلەدى.
25. سەرتيفيكات جوعالعان جاعدايدا, قازاقستان رەسپۋبليكاسىنىڭ بارلىق اۋماعىندا تاراتىلاتىن بۇقارالىق اقپارات قۇرالدارىندا جوعالۋدىڭ جاريالانۋىن راستايتىن قۇجاتپەن قوسا بەرىلگەن ءوتىنىش نەگىزىندە, سرو ونىڭ كوشىرمەسىن بەرەدى.
26. سەرتيفيكات ب ۇلىنگەن جاعدايدا ءنومىرىن, بەرىلگەن كۇنى مەن قولدانىلۋ مەرزىمىن كورسەتۋمەن سايكەستىكتى راستاۋ جانە بىلىكتىلىكتى بەرۋ سەرتيفيكاتىنىڭ كوشىرمەسىن بەرۋ تۋرالى سرو-عا ءوتىنىش بەرۋ كەرەك, وتىنىشكە سەرتيفيكاتتىڭ ب ۇلىنگەن تۇپنۇسقاسىن قوسا ۇسىنۋ قاجەت.
27. سرو سەرتيفيكاتتىڭ جوعالۋى مەن ءب ۇلىنۋى تۋرالى ءوتىنىشتى قارايدى جانە سەرتيفيكاتتاردى بەرۋدى ەسەپكە الۋ ءتىزىلىمىنىڭ نەگىزىندە «كوشىرمە» ءسوزىن, بۇرىنعى نومىرلەردى, بەرىلۋ كۇنى مەن قولدانىلۋ مەرزىمىن كورسەتۋمەن سايكەستىكتى راستاۋ جانە بىلىكتىلىكتى بەرۋ سەرتيفيكاتىنىڭ كوشىرمەسىن بەرەدى.
اگروونەركاسىپتىك كەشەنى سالاسىنداعى مامانداردىڭ سايكەستىگىن راستاۋ جانە بىلىكتىلىكتى بەرۋ قاعيداسىنا 1-قوسىمشا
نىسان
سايكەستىكتى راستاۋعا جانە بىلىكتىلىكتى بەرۋگە ارنالعان ءوتىنىش
كىمگە __________________________________________
(مامانداردىڭ سايكەستىگىن راستاۋ جانە بىلىكتىلىكتى بەرۋ ورگانىنىڭ تولىق اتاۋى)
كىمنەن __________________________________________________
(اتى-ءجونى, لاۋازىمى, جۇمىس ورنى, مەكەنجايى, تەلەفون, e-mail)
سايكەستىكتى ______________________________________________
(سايكەستىكتى راستاۋ جانە بىلىكتىلىكتى بەرۋ سالاسىن كورسەتۋ)
ماماندىق بويىنشا جۇرگىزۋدى راستاۋدى وتىنەمىن.
مەن_____________________________________________ سالاسىنداعى سەرتيفيكاتتاۋ پروتسەسى بويىنشا نورماتيۆتىك قۇجاتتاردىڭ شارتتارى مەن تالاپتارىمەن تانىستىم جانە قابىلدايمىن.
مەنىڭ وتىنىشىمدەگى نىساندا كەلتىرىلگەن دەرەكتەردىڭ تىزىلىمدە جاريالانۋىنا بولادى.
مەن بەرگەن مالىمەتتەر راس, كەلەشەكتە سايكەستىكتى راستاۋ جانە بىلىكتىلىكتى بەرۋ ورگانىنا مەنىڭ جەكە مالىمەتتەرىمدەگى بۇكىل وزگەرىستەردى حابارلاۋعا مىندەتتەنەمىن.
مەن اقپاراتتى دۇرىس بەرمەگەن جاعدايدا تىزىلىمنەن شىعارۋدى تۇسىنەمىن جانە قابىلدايمىن.
قوسىمشالار:
1. جەكە كۋالىكتىڭ كوشىرمەسى
2. جۇمىس ورنىنان مىنەزدەمە (بولعان جاعدايدا)
3. ءبىلىم تۋرالى قۇجاتتىڭ كوشىرمەسى
4. ەڭبەك قىزمەتىن راستايتىن قۇجاتتار (بولعان جاعدايدا)
5. مالىمدەلگەن سەرتيفيكاتتاۋ سالاسىنداعى بىلىكتىلىكتى ارتتىرۋ تۋرالى قۇجاتتىڭ كوشىرمەسى (بولعان جاعدايدا)
6. ەمتيحان حاتتاماسىنىڭ كوشىرمەسى ( _______ سحەما بويىنشا) (بولعان جاعدايدا)
7. وتىلدەن ءوتۋىن راستايتىن پىكىر-انىقتاما ( _______ سحەما بويىنشا)
كۇنى, مالىمدەۋشىنىڭ قولى, قول قويۋلاردى اجىراتۋ.
ەسكەرتۋ – بارلىق كوشىرمەلەر ءار بەتتە ۇيىمنىڭ مورىمەن راستالادى نەمەسە نوتاريالدى تۇردە راستالادى.
اگروونەركاسىپتىك كەشەنى سالاسىنداعى مامانداردىڭ
سايكەستىگىن راستاۋ جانە بىلىكتىلىكتى بەرۋ قاعيداسىنا 2-قوسىمشا
نىسان
سايكەستىكتى راستاۋ جانە بىلىكتىلىكتى بەرۋ جوسپارى
20__ جىلعى «___»__________
________________________________________________________
(سايكەستىكتى راستاۋ جانە بىلىكتىلىكتى بەرۋ ورگاننىڭ اتاۋى)
20__ جىلعى «___»_________ ءوتىنىشىن قاراپ, قوسىمشا قۇجاتتارمەن _________________________________________________________________
ء(وتىنىش بەرۋشىنىڭ اتى-ءجونى, مەكەنجايى, تەلەفونى)
سايكەستىكتى راستاۋ جانە بىلىكتىلىكتى بەرۋگە
________________________________________________________
(قىزمەتتىڭ اتاۋى)
سايكەستىكتى راستاۋ جانە بىلىكتىلىكتى بەرۋ جونىندەگى ورگان شەشتى:
1. سايكەستىكتى راستاۋ جانە بىلىكتىلىكتى بەرۋ سحەماسى بويىنشا وتكىزىلسىن.
___________________________________________________________
(سايكەستىكتى راستاۋ جانە بىلىكتىلىكتى بەرۋ سحەماسىنىڭ ءنومىرى)
2. سايكەستىكتى راستاۋ جانە بىلىكتىلىكتى بەرۋ ءۇشىن ءوتىنىش بەرۋشىنىڭ قۇزىرەتتىلىگى __________________________________________________
(قۇزىرەتتىلىگى تەكسەرىلەتىن ورتالىقتىڭ اتاۋى)
نەگىزىندە تەكسەرۋدى جۇرگىزسىن.
3. سايكەستىكتى راستاۋ جانە بىلىكتىلىكتى بەرۋدى _____________________
(نورماتيۆتىك قۇجاتتىڭ اتاۋى, ءنومىرى جانە كۇنى (قاجەت بولعان جاعدايدا تارماقتاردىڭ نومىرلەرى)
تالاپتارعا سايكەس وتكىزسىن.
4. جۇمىستاردى ___________________________________________
(شارتتىڭ ءنومىرى مەن كۇنىن كورسەتۋ)
نەگىزىندە جۇرگىزسىن.
ء__________________________موردىڭ ورنى _______________________
(سايكەستىكتى راستاۋ جونىندەگى ورگان (تەگى, اتى-ءجونى)
باسشىسىنىڭ قولى)
اگروونەركاسىپتىك كەشەنى سالاسىنداعى مامانداردىڭ
سايكەستىگىن راستاۋ جانە بىلىكتىلىكتى بەرۋ قاعيداسىنا 3-قوسىمشا
نىسان
____________________________________________________________
سايكەستىكتى راستاۋ جانە بىلىكتىلىكتى بەرۋ جونىندەگى ورگاننىڭ اتاۋى
سايكەستىكتى راستاۋ جانە بىلىكتىلىكتى بەرۋ
سەرتيفيكاتى
وسى سەرتيفيكات
_________________________________________________________ كە
(تەگى, اتى-ءجونى)
بىلىكتىلىكتى بەرۋ/راستاۋ_______________________________________
_________________________________________________________
(نورماتيۆتىك قۇجات نەگىزىندە بەرىلگەن سەرتيفيكات)
سايكەس بەرىلدى.
بەرىلگەن سەرتيفيكاتتار تىزىلىمىندە تىركەلگەن
№ ____________________________
(سەرتيفيكاتتىڭ ءنومىرى)
201__جىلعى «___»_______ بەرىلدى.
201__جىلعى «__»_______عا دەيىن جارامدى.
زاڭدى تۇلعانىڭ باسشىسى (ەگەر مامانداردىڭ سايكەستىگىن راستاۋ جانە بىلىكتىلىكتى بەرۋ جونىندەگى ورگان زاڭدى تۇلعانىڭ قۇرىلىمدىق بولىمشەسى بولىپ تابىلعان جاعدايدا)
___________________ ____________________ _______________
(لاۋازىمى) (قولى) (اتى-ءجونى)
ءموردىڭ ورنى
مامانداردىڭ سايكەستىگىن راستاۋ جانە بىلىكتىلىكتى بەرۋ جونىندەگى ورگاننىڭ باسشىسى
__________________ ____________________ _______________
(لاۋازىمى) (قولى) (اتى-ءجونى)
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 25 اقپاندا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8344 بولىپ ەنگىزىلدى.
