اسكەري جاساق باستىعى كىشى سەرجانت جاندوس قاليەۆ قاسىنداعى سەرىكتەرى ج. جاقيا جانە ر. نادەجكينمەن بىرگە ماياكوۆسكي كوشەسىندە ورنالاسقان بالاباقشا ماڭىنداعى قۇبىر ۇستىندە وتىرعان ەر ادامدى بايقايدى.
ونىڭ وسى ءبىر وقىس ارەكەتى اسكەريلەردىڭ كۇدىگىن تۋعىزدى. جاۋىنگەرلەر وقيعا ورنىنا قۇرامىندا "دجەك" اتتى قىزمەتتىك ءيتى مەن كينولوگ مامان اعا سەرجانت سەرگەي وبروسيموۆ بار ءاۆتوپاترۋلدى شاقىردى.
ءتارتىپ ساقشىلارى كۇدىكتىگە قاۋىپسىزدىك شارالارىن ەسكەرتە وتىرىپ, ءتىنتۋ جۇمىسىنا قىزمەتتىك ءيتتى جۇمىلدىرادى. ابدەن جاتتىققان "دجەك" ازاماتتىڭ شالبارىنىڭ قالتاسىنان جانە سپورتتىق سومكەسىنەن بىردەن-اق ەسىرتكى زاتتارىن تاۋىپ الىپ شىعادى.
ءمان-جايدى انىقتاۋ ءۇشىن كۇدىكتى قوستاناي قالالىق پوليتسيا ءبولىمىنىڭ جەدەل ارەكەت ەتۋ قىزمەتىنە تابىستالدى. اتالمىش قىزمەت ماماندارى تەكسەرۋ بارىسىندا ۇستالعان ازاماتتىڭ كيىمىنەن ەسىرتكى ورالعان 15 دانا قاعاز بۋماسىن تاپتى.
