2013 جىلعى 28 اقپان, استانا قالاسى
«اۋەجاي پايدالانۋشىسىنىڭ ءبىرىنشى باسشىسى لاۋازىمىنا كانديداتتار ءۇشىن بىلىكتىلىك تالاپتارىن بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2010 جىلعى 6 قىركۇيەكتەگى №396 بۇيرىعىنا وزگەرىستەر ەنگىزۋ تۋرالى
«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنىڭ 64-بابىنىڭ 2-تارماعىنا سايكەس بۇيىرامىن:
1. «اۋەجاي پايدالانۋشىسىنىڭ ءبىرىنشى باسشىسى لاۋازىمىنا كانديداتتار ءۇشىن بىلىكتىلىك تالاپتارىن بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2010 جىلعى 6 قىركۇيەكتەگى №396 بۇيرىعىنا (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە №6517 تىركەلدى, 2011 جىلعى 26 قاڭتارداعى №27-28(26448-26449) «كازاحستانسكايا پراۆدا» گازەتىندە جاريالاندى) مىناداي وزگەرىستەر ەنگىزىلسىن:
كورسەتىلگەن بۇيرىقپەن بەكىتىلگەن اۋەجاي پايدالانۋشىسىنىڭ ءبىرىنشى باسشىسى لاۋازىمى كانديداتىنا قويىلاتىن بىلىكتىلىك تالاپتارىنا:
2-تارماق مىناداي رەداكتسيادا جازىلسىن:
«2. اۋەجاي پايدالانۋشىسىنىڭ ءبىرىنشى باسشى لاۋازىمىنا كانديدات قازاقستان رەسپۋبليكاسىنىڭ ەڭبەك زاڭناماسىنا سايكەس قۇجاتتىق تۇردە راستالعان جوعارى ءبىلىمى بار جانە ازاماتتىق اۆياتسيا سالاسىنداعى باسشىلىق لاۋزىمداردا جۇمىس تاجىريبەسى 3 جىلدان كەم ەمەس قازاقستان رەسپۋبليكاسىنىڭ ازاماتى بولا الادى.»
2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ ازاماتتىق اۆياتسيا كوميتەتى (ب.ك. سەيداحمەتوۆ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن كەيىن ونىڭ بۇقارالىق اقپارات كوزدەرىندە, سونداي-اق قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ ينتەرنەت-رەسۋرسىندا رەسمي تۇردە جاريالانۋىن جانە مويپ ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ كولىك جانە كوممۋنيكاتسيا ۆيتسە-ءمينيسترى ا.ع.بەكتۇروۆقا جۇكتەلسىن.
4. وسى بۇيرىق العاش رەت رەسمي جاريالاعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ا.جۇماعاليەۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 28 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8347 بولىپ ەنگىزىلدى.
