الماتى اۋماعىندا قاتاڭ شەكتەۋ شارالارى 2020 جىلعى 20 شىلدەدە ساعات 00.00-دەن باستاپ قولدانىلادى.
جاڭا شەكتەۋ شارالارىن:
1) قالاارالىق اۆتوبۋس تاسىمالدارىن توقتاتا تۇرۋ;
2) 50%-دان اسپايتىن تولتىرىلاتىن قالا ماڭىنداعى اۆتوبۋس مارشرۋتتارىنىڭ جۇمىسىن قامتاماسىز ەتۋ;
3) قالالىق قوعامدىق كولىكتىڭ, ونىڭ ىشىندە مەتروپوليتەننىڭ 50%-دان اسپايتىن تولتىرىلۋىمەن جۇمىسىن قامتاماسىز ەتۋ;
4) قالا ماڭىنداعى جانە قالالىق قوعامدىق كولىكتىڭ, ونىڭ ىشىندە مەتروپوليتەننىڭ, سەنبى جانە جەكسەنبى كۇندەرى جۇمىسىن تولىق توقتاتا تۇرۋ;
5) قوعامدىق كولىكتى كۇنى بويى ءاربىر اينالىمدىق رەيستىڭ جۇيەلىگىمەن دەزينفەكتسيالاۋدى قامتاماسىز ەتۋ.
"ەندى قوعامدىق تاماقتانۋ ورىندارى اشىق الاڭدا عانا جۇمىس ىستەي الادى. قوناقتار سانى 30 ادامنان اسپاۋى كەرەك. سونداي-اق, تاۋلار مەن ۇلتتىق پاركتەردە ۆەلوسيپەدپەن جۇرۋگە بولمايدى", - دەلىنگەن قاۋلىدا. بۇل تۋرالى قالالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ءباسپاسوز قىزمەتىندە جاريالاندى.
