عالىمداردىڭ ايتۋىنشا سيمپومدارىنا بايلانىستى 6 تيپكە بولىنەتىن اۋرۋلاردىڭ وسىعان سءايكەس اۋىرلىق دارەجەسى دە ءتۇرلىشە بولادى ەكەن. العاشقى ەكەۋىن عالىمدار "تۇماۋ تارىزدەس" دەپ بەلگءىلەپءتى. مۇنداي كەزدە ادامنىڭ باسى سىنىپ, ءيىس سەزبەۋمەن قاتار جوتەلىپ, تاماق اۋىراتىنىن ايتادى. بىرىنشىسىندە كەۋدە تۇسى مەن بۇلشىق ەتتەرءى اۋىرعانىمەن بەزگەك بولمايتىنى اڭدالسا, ەكىنشى تيپىندە بەزگەكپەن قاتار تابەت جوعالىپ, پاتسيەنتتىڭ كەۋدەسى سىرىلدايدى ەكەن.
ءۇشىنشى تيپتە اسقازان-ىشەك جولدارىنىڭ جۇمىسى بۇزىلىپ, ءىش ءوتىپ, اسقا تابەت بولماي, كەۋدە تۇسى اۋىرادى, بىراق جوتەلسىز جۇرەدى دەلىنسە, ءتورتىنشى تۇردە باس اۋىرادى, ءيىس سەزۋ جوعالعان ۇستىنە جوتەل بۋىپ, بەزگەك قىسىپ, كەۋدە سىرىلداعانعا قوسااۋىرلاپ ۇنەمى ءبىر شارشاۋ, تۇراقتى تۇردە السىزدىك بوي كوتەرتپەيدى ەكەن.
بەسىنشى جانە التىنشى ءتيپىن عالىمدار اۋىر تۇرىنە جاتقىزىپتى. بۇل كەزدە ادامداردىڭ باستارى اۋىرىپ, ءيىس, ءدام سەزۋمەن قاتار تاماققا دەگەن دە تابەت جوعالىپ, جوتەل بۋىپ, تاماق, كەۋدە, بۇلشىق ەت ءبارى اۋىرىپ, بەزگەك قىسىپ, ادام ەسىنەن شاتاسادى. ال ەڭ سوڭعى التىنشى فورمادا باس اۋىرۋ, بەزگەك بۋىپ, ءيىس, ءدام سەزۋ, تابەت جوعالۋ, ءىش ءوتۋ, دەمىككەنگە قوسا كەۋدە مەن ءىشى قاتار اۋىرىپ, بۇلشىق ەتتەر قان قاقساپ, وپكە سىرىلدايدى.
بريتاندىق عالىمدار بۇل زەرتتەۋلەردىڭ ۆيرۋستى جەڭۋدە دارىگەر قاۋىمىنا كومەككە كەلەتىنىنە سەنىمدىلىكتەرىن بىلدىرگەن.
