"نۇر-سۇلتان قالاسىندا 5 شىلدەدەن باستاپ كارانتين ءتارتىبىن بۇزۋدىڭ ءموبيلدى توپتارمەن – 76 جاعدايى, پوليتسيانىڭ بىرىككەن كۇشتەرىمەن – 68 جاعدايى انىقتالدى. بۇزۋشىلىقتار تۋرالى ماتەريالدار دەنساۋلىق ساقتاۋ سالاسىنىڭ جەرگىلىكتى اتقارۋشى ورگانى – تاۋارلار ساپاسى مەن قاۋىپسىزدىگىن باقىلاۋ دەپارتامەنتىنە بەرىلدى", – دەپ حابارلادى قالالىق پوليتسيا دەپارتامەنتى.
قازىرگى ۋاقىتتا مونيتورينگتىك ءموبيلدى توپتاردىڭ سانى 8 بىرلىكتى قۇرايدى. ولاردا 49 ادام, ونىڭ ىشىندە پوليتسيا, تاۋارلار ساپاسى مەن قاۋىپسىزدىگىن باقىلاۋ دەپارتامەنتى, جەرگىلىكتى اتقارۋشى ورگانداردىڭ قىزمەتكەرلەرى مەن ەرىكتىلەر بار.
نۇر-سۇلتان قالالىق پوليتسيا دەپارتامەنتى ازاماتتاردى قوعامدىق ورىنداردا جاۋاپكەرشىلىك تانىتىپ, سانيتارلىق نورمالاردى ساقتاۋعا, سونداي-اق كارانتين شارالارى كەزىندە پوليتسيا قىزمەتكەرلەرىنىڭ تالاپتارىنا تۇسىنىستىك تانىتۋعا شاقىرادى. ىندەتتىڭ تارالۋىنىڭ الدىن الۋ ماقساتىندا پوليتسيا مەن ۆولونتەرلەر كارانتين رەجيمىن ساقتاۋ جانە جەكە قورعانىس قۇرالدارىن پايدالانۋ قاجەتى تۋرالى تۇرعىندارمەن پروفيلاكتيكالىق ءتۇسىندىرۋ جۇمىستارىن جۇرگىزەدى. سونىمەن قاتار پوليتسيا ويىن-ساۋىق, قوعامدىق تاماقتانۋ ورىندارى, مونشالار, ساۋنالار, اتتراكتسيوندارعا بارىپ, ولاردىڭ يەلەرىنە قولدانىستاعى كارانتين شارالارى تۋرالى ەسكەرتەدى.
قۇقىق بۇزۋشىلار قولدانىستاعى زاڭناماعا سايكەس جاۋاپقا تارتىلادى.
