قازىرگى تاڭدا اقمولا, اقتاۋ, اتىراۋ, قىزىلوردا, تاراز جانە شىمكەنت گارنيزوندارىندا وڭدەۋ جۇمىستارى قولعا الىندى.
ەلدى-مەكەندەردى وڭدەۋگە جۇمىلدىرىلعان قۇراما جاساق ارنايى تەحنيكامەن, ارس-14 اۆتو قۇيۋ ستانتسيالارىمەن, وڭدەۋ جيىنتىعىمەن جانە دەزينفەكتسيالاۋ قۇرالدارىمەن قامتاماسىز ەتىلگەن.
وتكەن اپتادا ارنايى وڭدەۋدىڭ جيىنتىق جاساعى جالپى اۋدانى 751 مىڭ شارشى مەتردەن اساتىن 450-دەن استام الەۋمەتتىك ماڭىزى بار جانە باسقا دا نىسانداردى دەزينفەكتسيالادى.
اكىمدىكتەردىڭ وتىنىمدەرى بويىنشا 18 شىلدەدە دەزينفەكتسيالاۋ جۇمىستارى اقتاۋ, اتىراۋ جانە نۇر-سۇلتاندا جۇرگىزىلەدى. اسكەري قىزمەتشىلەر تاڭەرتەڭ جۇمىستارىن باستاپ, 27 الەۋمەتتىك ماڭىزى بار جانە 35 باسقا قالالىق نىسانداردى وڭدەۋدە. قالا تۇرعىندارى كوپ جينالاتىن جەرلەرگە دە ەرەكشە كوڭىل بولىنەدى.
وڭدەۋ جوسپارى جەرگىلىكتى اتقارۋشى ورگانداردىڭ وتىنىمدەرى بويىنشا وتىرىپ قالىپتاستىرىلادى. دەزينفەكتسيالاۋ جۇمىستارىن 25 شىلدەگە دەيىن جالعاستىرۋ جوسپارلانىپ وتىر, بىراق قاجەتتىلىگىنە قاراي مەرزىمى ۇزارتىلۋى مۇمكىن.
