بۇل كۇنى بويى ماسكا شەشپەي جۇمىس ىستەيتىندەرگە, ياعني دارىگەرلەرگە اۋاداي قاجەت دۇنيە بولىپ تۇر. رەسمي تانىستىرىلىمى بولماسا دا وسىنداي ماسكانىڭ 2000 داناسى سەۋل قالاسىنداعى سەۆەرانس اۋرۋحاناسىنا سىيعا تارتىلعان.
اۋا تازارتاتىن PuriCare LG پرينتسيپىمەن جۇمىس ىستەيتىن قۇرىلعىدا H13 دەپ اتالاتىن اۋىستىرۋعا بولاتىن ەكى HEPA-فيلتر سىرتتان ۆيرۋستى وتكىزبەيدى. فيلتر استىندا اۋا اعىنىن رەتتەپ تۇراتىن جەلدەتكىش ورنالاسقان. ارنايى الگوريتم بويىنشا ادام ىشكە دەم العان كەزدە سىرتتان اۋا كوبىرەك كىرەدى. ماسكادا دەم الىپ جانە شىعارعان كەزدەگى قىسىمدى داتچيك ولشەپ, سول ارقىلى ىشكە دەم العاندا جەلدەتكىش قوسىلىپ, دەم شىققاندا ول توقتايدى.
ماسكا پلاستيكتەن جاسالعانمەن, ىشكى جاعى جۇمساق سيليكونمەن قاپتالعان. بۇل ونى تاڭنان كەشكە دەيىن تاعىپ جۇرگەندە جايلى بولۋ ءۇشىن جاسالعان. قۇرىلعىنىڭ سالماعى بار بولعانى 120 گرامم. جەلدەتكىش 8 ساعاتقا جەتەتىن اككۋمۋلياتور ارقىلى جۇمىس ءىستەيدى. قۇرىلعىداعى ەكى ءفيلتردى تەك ءبىر ايدان سوڭ عانا اۋىستىرۋ قاجەت بولادى.
