ءموبيلدى توپتار دارىلىك قۇرالداردى زاڭسىز جۇزەگە اسىرۋ جانە ولاردىڭ باعالارىنىڭ كوتەرىلۋ فاكتىلەرىن انىقتاپ, جولىن كەسۋ, سونىمەن بىرگە, كۇشەيتىلگەن كارانتين رەجيمىنە بايلانىستى باسقا دا قۇقىقبۇزۋشىلىقتاردى انىقتاۋ جۇمىستارىن جۇرگىزەدى. سونداي-اق, الەۋمەتتىك جەلىلەر مەن باق-نا مونيتورينگ جۇرگىزىلەدى.
مونيتورينگ جۇرگىزۋ بارىسىندا اۋەزوۆ اۋدانىنىڭ پروكۋراتۋرا قىزمەتكەرلەرى تانىمال Telegram مەسسەندجەرى ارقىلى جەكە تۇلعانىڭ دارىلىك قۇرالداردى ("دەكسامەزون", "لەۆوفلوكسان", "مەروپەنەم", "كلەكسان 0,6") زاڭسىز جۇزەگە اسىرۋ فاكتىسىن انىقتادى.
قورىتىندى ساتىپ الۋ ناتيجەسى بويىنشا اۋەزوۆ اۋدانىنىڭ كريمينالدى پوليتسياسىنىڭ جەدەل ارەكەت ەتۋ قىزمەتكەرلەرى جوعارىدا اتالعان دارىلىك قۇرالداردى زاڭسىز جۇزەگە اسىرماق بولعان م.ەسىمدى ازاماتتى ۇستادى. تەرگەۋ شارالارى جالعاسۋدا.
"جالپى العاندا, الماتى قالاسىنىڭ مەملەكەتتىك قۇقىق قورعاۋ ورگاندارىمەن وسى سىندى 44 قۇقىقبۇزۋشىلىق انىقتالدى, ولاردىڭ 16-سى بويىنشا سوتقا دەيىنگى تەرگەۋ شارالارى جۇرگىزىلۋدە. قالعان قۇقىقبۇزۋشىلار وكىلەتتى ورگاندارمەن اكىمشىلىك جاۋاپكەرشىلىككە تارتىلۋدا.
تاركىلەنگەن مەديكامەنتتەر ("لەۆوتسين" 100 مل-دەن 14 وراما, "ينگاۆەرين-90" — 532 وراما, "فراكسيپارين 0,3 مل" 5 وراما, "ازيتروميتسين" 45 وراما, "ازيتروميتسين (زوماكس)" 98 وراما, "بالالارعا ارنالعان انافەرون" 105 وراما, "ەرەسەكتەرگە ارنالعان انافەرون" 61 وراما, "گروپرينوسيل" 99 وراما, "Tamiflu" 8 وراما, "تسەفازولين" 19 امپۋلا ) جانە مەديتسينالىق ونىمدەر بالالار ينفەكتسيالىق اۋرۋحاناسىنا تاپسىرىلعانىن اتاپ وتكەن ءجون", دەپ مالىمدەدى قۇزىرلى ورگاننىڭ ءباسپاسوز قىزمەتى.
سونىمەن بىرگە, قالا ءدارىحانالارىندا دارىلىك قۇرالداردىڭ باعاسىن زاڭسىز كوتەرۋدىڭ 28 فاكتىسى انىقتالدى, قازىرگى ۋاقىتتا الماتى قالاسى بويىنشا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى قراقتك 426-بابى بويىنشا 6 سۋبەكتتى اكىمشىلىك جاۋاپكەرشىلىككە تارتتى, 22 ماتەريال قارالۋدا.
پروكۋراتۋرا وسى سالادا بۇزۋشىلىقتار انىقتالعان جاعدايدا ازاماتتاردان نازار اۋدارۋدى جانە كەلەسى تەلەفوندار بويىنشا حابارلاسۋدى سۇرايدى.
- ءدارىحانالاردا دارىلىك پرەپاراتتار باعاسىنىڭ كوتەرىلۋ فاكتىلەرى بويىنشا الماتى قالاسىنىڭ پروكۋراتۋراسى 265-03-03 (كەزەكشى) (نەمەسە وسىعان جۇمىلدىرىلعان كومەكشىلەردىڭ نومەرلەرى);
- دارىلىك قۇرالداردى زاڭسىز جۇزەگە اسىرۋ (الىپساتارلىق) فاكتىلەرى بويىنشا الماتى قالاسى بويىنشا ەكونوميكالىق تەرگەۋ دەپارتامەنتى 279-29-56 جانە الماتى ق. پوليتسيا دەپارتامەنتى 254-40-42;
- مەديتسينالىق قىزمەتكەرلەر تاراپىنان دارىلىك قۇرالداردى زاڭسىز جۇزەگە اسىرۋ فاكتىلەرى بويىنشا الماتى ق.بويىنشا سىبايلاس جەمقورلىققا قارسى كۇرەس اگەنتتىگىنىڭ دەپارتامەنتى 278-73-00.
