كومپانيا مەن قر دەنساۋلىق ساقتاۋ مينيسترىلىگى اراسىنداعى مەموراندۋم ناتيجەسىندە Beeline ەلىمىزدە COVID 19 قارسى كۇرەستەگى مەديتسينا قىزمەتكەرلەرىن ينتەرنەتكە قولجەتىمدىلىگى بار تەگىن ءموبيلدى بايلانىستى قامتاماسىز ەتۋدى جالعاستىرۋدا.
"پاندەميا كەزىندە كوپتەگەن بيزنەس-كومپانيالار الەۋمەتتىك جاۋاپكەرشىلىك تانىتىپ, كوروناۆيرۋستىق ينفەكتسيانىڭ تارالۋىمەن بايلانىستى تۋىنداعان ماسەلەلەردى شەشۋگە اتسالىسۋدا. مەموراندۋمنىڭ ماقساتى حالىقتىڭ سانيتارلىق-ەپيدەميولوگيالىق ساۋلىعىن قامتاماسىز ەتۋ بويىنشا ءىس-شارالاردى جۇزەگە اسىرۋدى قولداۋعا باعىتتالعان", - دەدى قر دەنساۋلىق ساقتاۋ ۆيتسە-ءمينيسترى ولجاس ابىشەۆ. ال Beeline قازاقستان باس اتقارۋشى ديرەكتورى ەۆگەني ناسترادين: "كوروناۆيرۋس سوڭعى ايلاردىڭ باستى تاقىرىبى بولىپ وتىر. دارىگەرلەر زامانىمىزدىڭباس باتىرلارىنا اينالدى. وسى كۇندەرى اۋرۋمەن الدىڭعى شەپتەگى كۇرەستە جۇرگەندەردىڭ ءبارىن قولداۋ ەرەكشە ماڭىزعا يە. سوندىقتان ءبىز قازاقستاندا COVID-19 بار پاتسيەنتتەردى ەمدەۋدە جۇمىس جاساپ وتىرعان مەديتسينالىق پەرسونالعا تەگىن بايلانىس پەن ينتەرنەتتى ۇسىنۋدى جالعاستىرۋدامىز", - دەدى.
دارىگەرلەرگە دەگەن بۇل قولداۋ 2020 جىلعى 17 تامىزعا دەيىن جارامدى, وعان 30 گب ينتەرنەت ترافيگى مەن قر كەز كەلگەن نومىرلەرگە 300 مينۋت قوڭىراۋ شالۋ كىرەدى. ايتا كەتۋ كەرەك, بۇگىنگى كۇنگە دەيىنمەموراندۋم شەڭبەرىندە Beeline-نان بايلانىس پەن ينتەرنەتتى 11 098 ادام الادى, ال Beeline پاندەميانىڭ ءبىرىنشى كۇندەرىنەن باستاپ, ەلدىڭ 19 707 مەديتسينالىق جۇمىسكەرلەرىنە تەگىن ءموبيلدى بايلانىس جانە ينتەرنەت ۇسىنعان.
ونىڭ الدىندا كومپانيا ەلدەن تىس قالعان قازاقستاندىقتارعا بايلانىس توپتامالارىن ۇسىنىپ, سونداي-اق كارانتين مەرزىمىنە تۆ كورەرمەندەرىنە تولىق توپتامالاردى اشتى. كومپانيا قازاقستاندىق زەينەتكەرلەرگە جانە مۇمكىندىكتەرى شەكتەۋلى ادامداردى تەگىن ءموبيلدى بايلانىستى بەردى: داۋىستىق جانە ينتەرنەت ترافيكتى "الەۋمەتتىك" جانە "حابار-لاۋ+" تاريفتىك جوسپارلاردىڭ بارلىق پايدالانۋشىلارى الدى. بۇدان باسقا, 286 الەۋمەتتىك رەسۋرستارعا تەگىن قولجەتىمدىلىك اشىلدى, ولاردىڭ اراسىندا الەۋمەتتىك, ءبىلىم بەرۋ سايتتارى جانە ۋنيۆەرسيتەتتەردىڭ رەسمي رەسۋرستارى مەن دارەگرەلەردەگى تەگىن قابىلداۋعا ارنالعان ءموبيلدى قوسىمشاسى ىسكە قوسىلدى دەيدى الەۋمەتتىك جاۋاپكەرشىلىكتى ناقتى ىسپەن دالەلدەگەن كومپانيا.
