ولار ءوز ەلىندە كوروناۆيرۋسقا قارسى جاسالىپ جاتقان ۆاكتسينانى رەسەيدىڭ بارلاۋ قىزمەتىنە قاتىسى بار ادامدار قولدى ەتپەكشى بولدى دەگەن حابار تاراتقان. بۇل تۋرالى ءتيىستى دالەلدەردى ۇلىبريتانيانىڭ كيبەرقاۋىپسىزدىك ورتالىعى (NCSC) كەلتىرگەن كورىنەدى.
رەسەيلىك اگەنتتەر ماقساتى COVID-19 ۆيرۋسىنا ارناپ جاسالعان ۆاكتسينا تۋرالى قۇندى مالىمەتتى حاكەرلىك شابۋىل ارقىلى ۇرلاماقشى بولعان. بۇل تۋرالى بريتان ۇكىمەتىنىڭ ونلاين-پورتالىندا ارنايى مالىمدەمە جاسالدى.
NCSC ماماندارىنىڭ ايتۋىنشا, حاكەرلەردىڭ قۇربانى بىرنەشە ەلدەگى مەكەمەلەر بولۋى مۇمكىن. بىراق, قاۋىپسىزدىك ماقساتىندا دەگەن جەلەۋمەن قانداي ەلدەر مەن مەكەمەلەر ەكەنى اشىق ايتىلمادى. بريتاندىق كوروناۆيرۋستى زەرتتەۋشى عالىمداردىڭ پىكىرىنشە مۇنداي ارەكەتتەر رەسەيلىك ارت29 حاكەرلىك توبىنىڭ تاراپىنان جاسالىپ وتىر ەكەن.
رەسەي جاعى بۇل ايىپتاۋدىڭ نەگىزسىز جانە دالەلسىز ەكەنىن رەسمي حابارلادى. رەسەي فەدەراتسياسى پرەزيدەنتىنىڭ ءباسپاسوز حاتشىسى دميتري پەسكوۆ ءوز ەلىنىڭ بيلىگى حاكەرلەرمەن ەشقاشان دا بايلانىستا بولماعانىن ايتتى.
