مۇندا جاعداي سونشالىقتى اۋىر دەۋگە كەلمەيدى: كوروناۆيرۋس دياگنوزى قويىلعاندار 276 مىڭعا جەتىپ, 4 مىڭنان استامى قايتىس بولعان. الايدا, وار جاڭا اۋرۋعا شالدىققانداردىڭ تاۋلىكتىك سانى بويىنشا دۇنيەجۇزىندە ءتورتىنشى ورىنعا شىقتى.
بۇل مەملەكەتتە الەمدەگى ەڭ قاتاڭ كارانتين ناۋرىزدىڭ سوڭىندا جاريالاندى. بىراق, ەكونوميكانى قۇتقارۋ ءۇشىن شەكتەۋلەردى بىرتە-بىرتە جەڭىلدەتۋگە تۋرا كەلگەن. ەندى سول شارالارعا قايتا ورالۋ قاجەت بولىپ وتىر.
"قارا قۇرلىقتا" وڭتۇستىك افريكامەن بىرگە مىسىر دا, نيگەريا دا, الجير دە, ماروككو دا Covid-19-دان كوپ زارداپ شەگىپ وتىر.
ازيانىڭ تۇسكەيىنە ويىسساق, ۇندىستانمەن بىرگە پاكىستانداعى ەپيدەميالىق جاعداي دا قيىنداپ بارادى. بۇل مەملەكەت جۇقتىرعاندار ستاتيستيكاسى بويىنشا پلانەتادا 12 ورىندا تۇر: داۋاسى جوق ينفەكتسيا 251625 پاكىستاندىقتان تابىلىپ, 5300-گە جۋىعى قايتىس بولعان.
الەمدە كوروناۆيرۋس وقيعالارىنىڭ كوبى ەكى امەريكادا تىركەلدى. برازيليادا ۆيرۋس 1,9 ميلليونعا جۋىق ادامنان انىقتالىپ, 72 مىڭنان استامى قايتىس بولدى.
ۆەنەسۋەلا استاناسى كاراكاس پەن ەلدىڭ ميراندا شتاتى دا سارسەنبىدەن باستاپ كارانتينگە قايتا جابىلادى. ونداعى ماقسات – تاعى دا كۇش العان ەپيدەميانىڭ بەتىن قايتارۋ. ۆيرۋس جۇقتىرعان مىڭداعان ادامنىڭ ىشىندە سوتسياليستىك پارتيا ليدەرى دە بار.
قۇراما شتاتتار – ءالى ءبىرىنشى ورىندا. مۇندا قاۋىپتى ينفەكتسيانى جۇقتىرعاندار 3 ميلليوننان اسىپ, 140 مىڭعا جۋىعى و دۇنيەلىك بولدى. دەگەنمەن, جاعىمدى جاڭالىق تا بار. امەريكادا كوروناۆيرۋسقا قارسى "مودەرنا" ۆاكتسيناسى دەنى ساۋ 45 ادامعا سىنالىپ, ءوزىنىڭ قاۋىپسىز ءارى يممۋنيتەتتىڭ كۇرەس قابىلەتىن قوزدىراتىنىن بايقاتقان.
