بۇل ماسەلە ايماق باسشىسىنىڭ باستاماسىمەن قولعا الىنعانىن ايتا كەتكەن ابزال. ارحيمەد مۇحامبەتوۆ الەۋمەتتىك جەلىدەگى جەكە پاراقشاسىنا «سۆەردلوۆ جانە چەليابى وبلىستارىنىڭ گۋبەرناتورلارىمەن كەلىسىم بويىنشا ءبىزدىڭ وبلىستىڭ دارىگەرلەرىنە ۆيرۋستىق ينفەكتسيامەن اۋىراتىن ناۋقاستاردى ەمدەۋ بويىنشا تاجىريبەلىك كومەك كورسەتىلە باستادى.
ءبىزدىڭ كورشىلەرىمىزدىڭ جەتەكشى دارىگەرلەرى اۋىر پاتسيەنتتەردى ەمدەۋ ءادىسى بويىنشا تۇراقتى كەڭەس بەرءىپ وتىراتىن بولادى. سونداي-اق, كوروناۆيرۋستىق ينفەكتسيانى ەمدەۋدىڭ وزەكتى ماسەلەلەرى بويىنشا تەلەدارىستەر ارقىلى وبلىس دارىگەرلەرىنءىڭ بىلىكتىلىگىن ارتتىرادى. العاشقى تەلەكوپىر 15 شىلدە كۇنى ساعات 10.00-دە باستالدى» - دەپ جازدى.
قازىر رەسەيلىك ماماندار وبلىس دارىگەرلەرى ءۇشىن ونلاين رەجىمدە ءدارىس وقىپ جاتىر. بىلىكتىلىك ارتتىرۋ ماقساتىنداعى بەينەكونفەرەنتسيالار ەكى اپتاعا سوزىلماق.
- پاندەمياعا قارسى كۇرەستە پايداسى زور تاجىريبە الماسۋ دارىستەرىنە ايماقتىڭ مىڭنان استام دارىگەرى وزدەرى قىزمەت ەتىپ جاتقان قالالار مەن اۋدانداردا وتىرىپ-اق بەينەكونفەرەنتسيا رەجىمىندە قاتىساتىن بولادى. كەلىسىم بويىنشا وسى اپتانىڭ اياعىنا دەيىن چەليابى وبلىسىنىڭ دارىگەرلەرى ءدارىس وقيدى. كەلەسى اپتادا سۆەردلوۆ وبلىسىنىڭ ماماندارى سەمينار وتكىزەدى. ونلاين كونفەرەنتسيالارعا وبلىس دارىگەرلەرى ءوز جۇمىس ورىندارىندا وتىرىپ-اق بىردەن 75 بايلانىس نۇكتەسى ارقىلى قوسىلادى, - دەدى دەنساۋلىق ساقتاۋ باسقارماسىنىڭ باسشىسى ۆياچەسلاۆ دۋدنيك.
وسى اپتا ىشىندە چەليابى قالاسىنىڭ 6 پروفەسسورى سەمينار وتكىزەدى. بءىر سەميناردىڭ ءوزى,كەم دەگەندە, 1 جارىم ساعاتقا دەيىن سوزىلادى. كەشە مەديتسينا عىلىمىنىڭ دوكتورى, ينفەكتسيالىق اۋرۋلار كافەدراسىنىڭ پروفەسسورى ليۋدميلا راتنيكوۆا رەسەيلىك دارىگەرلەردىڭ ىندەتتىڭ الدىن الۋ, ەم جۇرگىزۋ جانە اسا كۇردەلى جاعدايداعى ناۋقاستارعا كومەك كورسەتۋ ادىستەرىمەن ءبولىستى. ماماننىڭ پىكىرىنشە, پاندەميا كەزەڭىندە تەلەمەديتسينانىڭ ماڭىزى زور. سوندىقتان, رەسەيلىك پروفەسسورلار اۋىر ناۋقاستاردى ەمدەۋ كەزىندە ايماقتىڭ جەتەكشى دارىگەرلەرىنە ونلاين بايلانىس ارقىلى كومەك كورسەتۋگە ىنتالى ەكەندىكتەرىن ءبىلدىرىپ وتىر.
