ايماقتار • 16 شىلدە، 2020

التىنساريندە قۇرىلىس قارقىندى

20 رەت كورسەتىلدى

ۇلى اعارتۋشى ىبىراي ءالتىنساريننىڭ تۋعان جەرىندە سپورت نىساندارى مەن مەديتسينا مەكەمەلەرى جاڭارىپ، اۋىل جولدارى كۇردەلى جوندەۋدەن ءوتىپ جاتىر. بيىل اۋدانعا «اۋىل – ەل بەسىگى» باعدارلاماسى اياسىندا 788،9 ملن تەڭگە، ال «جۇمىسپەن قامتۋدىڭ جول كارتاسى» بويىنشا 1 ملرد 13،9 ملن تەڭگە قارجى ءبولىنىپ، جالپى سانى 18 جوبا قولعا الىنعان.

اۋدان ورتالىعىنداعى 25 جىل جوندەۋ كورمەگەن ەسكى ورتالىق ستاديونعا كۇردەلى جوندەۋ ءجۇرىپ جاتىر. جوبانىڭ جالپى قۇنى – 556،1 ملن تەڭگە.

– جوندەۋ جۇمىستارى ءساۋىر ايىنىڭ سوڭىنا تامان باستالعان. جاڭادان جاساندى كوگال توسەلىپ، جاڭا تريبۋنا تۇرعىزىلدى. كورەر­مەندەرگە ارنالعان اعاش ورىن­د­ىقتاردىڭ ورنىنا 848 پلاس­تيك ورىندىق قويىلادى. ودان سوڭ، سپورت كەشەنىنىڭ جا­نىن­­دا­عى جابىق عيمارات كەڭەي­­تىلىپ، تورە­شىلەرگە ارنالعان بولمە، سپورت­شىلار شەشىنىپ، كيىم اۋىس­تىراتىن، جۋىناتىن ورىن­دار، بولمەلەر سالىنادى. ءبىر-بىرىنە ىرگەلەس ورنالاسقان ۇلكەن چۋراكوۆ، وباعان، سيلانتەۆ، شەرباكوۆ سياقتى اۋىلدارعا ورتاق بۇل ستاديون – بالالار-جاسوسپىرىمدەر سپورت مەكتەبىنىڭ بالانسىندا. سوندىقتان، قايتا جاڭعىرتۋدان وتكەن جاڭا ستاديوندا الدىمەن وسى سپورت مەكتەبىنىڭ تاربيەلەنۋشىلەرى جاتتىعاتىن بولادى. قازىر سپورت مەكتەبىندە 500-گە جۋىق جاس سپورتشى ۆولەيبول، فۋتبول، تەننيس، جەڭىل اتلەتيكا، كۇرەس تۇرلەرى، بوكس سىنىپتارىندا تاربيەلەنىپ جاتىر. سوڭعى جىلدارى اۋىلدا جاستاردىڭ سانى ارتىپ كەلەدى. سوندىقتان بيىل سالىنىپ جاتقان سپورت كەشەنىنىڭ بولاشاق اۋدان سپورتىن دامىتۋدا ماڭىزى زور دەپ بىلەمىن. مۇنىڭ سىرتىندا، اۋىلداعى ەرەسەك ادامدارعا دا ەسىك اشىق بولادى. اۋدان ورتالىعىنىڭ تۇرعىندارى جۇمىستان سوڭ، اسىرەسە، ۆولەيبول، فۋتبول ويناۋ­دى داستۇرگە اينالدىرعان، – دەدى اۋداندىق دەنە تاربيەسى جانە سپورت ءبولىمىنىڭ باسشىسى سەرىك جاناقاەۆ.

اۋدان اكىمىنىڭ ورىنباسارى جانات جيەنباەۆتىڭ ايتۋىنشا، مەردىگەرلەر جۇمىستى بيىل قازان ايىندا اياقتاۋدى جوسپارلاپ وتىر. مۇنىڭ سىرتىندا، سيلانتەۆتە 6 كوشەگە ورتاشا جوندەۋ جۇمىستارى جۇرگىزىلىپ جاتىر. – بۇل كوشەلەردىڭ بارلىعى بۇرىن سوڭدى دۇرىس جوندەۋ كورمەگەندىكتەن، توزىڭقىراپ كەتىپ ەدى. «اۋىل – ەل بەسىگى» باعدارلاماسى بويىنشا بيىل وبلىس بيۋدجەتىنەن 75،8 ملن تەڭگە قارجى ءبولىنىپ وتىر. وسى ارقىلى ورتالىق كوشەلەر ەداۋىر كەڭەيتىلىپ، جول شەتىنە جاياۋ جۇرگىنشىلەرگە ارنالعان تروتۋار توسەلەدى. كوشە مەن تروتۋاردىڭ اراسىنا سۋاعار قويىلىپ، تروتۋارعا زاماناۋي تابانتاس توسەلەدى. بۇل شارۋانىڭ ءبارى كەلىسىمشارت بويىنشا «تانار» جشس-نا جۇكتەلىپ وتىر. سەرىكتەستىك شىلدەنىڭ باسىندا جۇمىسقا كىرىسىپ كەتتى. قازىر كارانتين رەجىمىنە بايلانىس­تى قيىندىقتارعا قاراماستان، كۇزگە دەيىن التى كوشە بىردەي جوندەۋدەن ءوتىپ، مەزگىلىندە تاپسىرىلۋى ءتيىس. سونداي-اق وباعان اۋىلىنداعى 2 ۇزىن كوشە وڭدالىپ جاتىر. بۇل كوشەلەرگە بولىنگەن قارجى كولەمى – 89،9 ملن تەڭگە. مۇندا «ەليت پلاست» سەرىكتەستىگى جۇمىس ىستەۋدە. بۇل سەرىكتەستىكتىڭ ەسەپشوتىنا كەشە عانا 27 ملن تەڭگە اۋداردىق، كۇزگە قاراي تولىق ەسەپ ايىرىسىپ، جۇمىستى قابىلداپ الامىز، – دەدى اكىم ورىنباسارى.

 «جۇمىسپەن قامتۋدىڭ جول كارتاسى» باعدارلاماسى اياسىندا اۋدان تۇرعىندارى ءۇشىن 253 جاڭا جۇمىس ورنىن اشۋ جوسپارلانعان. بۇگىنگە دەيىن 189 ادام ەڭبەكپەن قامتىلىپ وتىر. سولاردىڭ ءبىرى سيلانتەۆ اۋىلىنىڭ تۇرعىنى – سەرگەي ارحيپوۆ. قوستانايدا جوعارى ءبىلىم الىپ جاتقان ستۋدەنت قازىر جازعى دەمالىستا جۇرگەنىمەن، ۇيىندە قاراپ جاتپاي جۇمىسقا ورنالاسۋدى ءجون كورىپتى. – قازىر پاندەمياعا بايلانىستى قالادا جۇمىس ورىندارى ازايىپ كەتتى. سودان اۋىلعا كەلگەن سوڭ، جۇمىسپەن قامتۋ ورتالىعىنا باردىم. ولار ورتالىق ستاديون قۇرىلىسىنا جۇمىسشى كەرەكتىگىن ايتتى. كەلىسىمشارت بويىنشا بەرىلەتىن ايلىعى دا ءتاۋىر، – دەدى س.ارحيپوۆ.

اۋداندا قولعا الىنعان يگى جوبانىڭ ءبىرى – سيلانتەۆ پەن وباعان اۋىلىنىڭ اراسىن جالعايتىن جاياۋ جۇرگىنشىگە ارنالعان تروتۋار. ىرگەلەس جات­قان بۇل ەكى ەلدى مەكەننىڭ اراسىنا جاياۋ قاتىنايتىن حالىق كوپ. جاياۋ ادام ءۇشىن، اسىرەسە، قىستىڭ بوراندى كۇندەرى جول قاتىناسى قيىندايدى. كەشكىلىك جۇمىستان قايتقان تۇرعىندارعا، اسىرەسە، مەكتەپ جاسىنداعى بالا­لارعا كۇرە جول ۇستىمەن تولاس­سىز اعىلىپ ءوتىپ جاتقان اۆتو­كولىكتەر ۇلكەن قاۋىپ تۋعى­زىپ كەلگەن. بىلتىر اۋىل تۇر­عىن­دارى وبلىس اكىمىنە وسى جول ارالىعىن جارىقتاندىرىپ، قول ۇشىن بەرۋدى سۇراعان ەدى. بيىل ەكى اۋىلدىڭ اراسىنداعى جولدىڭ بويىنا جاياۋ ادامدارعا ۇزىندىعى 3 شاقىرىم، ەنى 1 جارىم مەتر بولاتىن ارنايى تروتۋار توسەلىپ، ونى جارىقتاندىرۋ جۇمىستارى ءجۇرىپ جاتىر. بۇل جوبانىڭ قۇنى 87،9 ملن تەڭگە. تروتۋاردى «باقىت ك» سەرىكتەستىگى توسەپ جاتىر. قازىر 45 ملن تەڭگە يگەرىلدى»، دەدى ج.جيەنباەۆ.

التىنسارين اۋدانىندا جۇزەگە اسىرىلىپ جاتقان اۋقىمدى جوبالار قازىرگىدەي كۇر­­­دەلى كەزەڭدە اۋىل تۇرعىن­دا­­رىنىڭ ۋاقىتشا بولسا دا جۇ­­مىسقا تۇرىپ، تابىس تابۋى­نا مۇمكىندىك بەرىپ وتىر. اۋدان اكىمدىگى مەن مەردىگەرلەر ارا­سىن­داعى كەلىسىمشارت بويىنشا ءار جوبانى جۇزەگە اسىرۋعا جۇ­مىلدىرىلعان جۇمىس كۇشى­نىڭ 50 پايىزى – جەرگىلىكتى تۇر­عىن­دار. ال ولارعا تولەنەتىن ەڭبەك­­اقىنىڭ ەڭ تومەنگى مولشەرى 85 مىڭ تەڭگەدەن باستالادى.

 

قوستاناي وبلىسى،

التىنسارين اۋدانى،

سيلانتەۆ اۋىلى

 

سوڭعى جاڭالىقتار

ماڭگىلىك مۇرا تاعىلىمى

اباي • بۇگىن، 10:01

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ەگىنگە وراق ەرتە ءتۇستى

قوعام • بۇگىن، 06:33

جەزقازعانعا گاز جەتكەندە...

ەكونوميكا • بۇگىن، 06:31

«ينتەر» – جارتىلاي فينالدا!

سپورت • بۇگىن، 02:50

ۇقساس جاڭالىقتار