قازاقستان • 15 شىلدە، 2020

ستاتي ىسىنە قاتىستى گوللانديالىق سوتتىڭ شەشىمى شىقتى

31 رەت كورسەتىلدى

نيدەرلاندىنىڭ زاڭناماسىنا سايكەس 2020 جىلعى 14 شىلدەدە امستەردامنىڭ اپەللياتسيالىق سوتى قازاقستان رەسپۋبليكاسى مەن ستاتي اراسىنداعى تورەلىكتە 2013 جىلى شىعارىلعان تورەلىك شەشىمدى تانۋ تۋرالى شەشىم قابىلدادى.

ستاتي قانداي دا ءبىر ناقتى نەمەسە قۇقىقتىق نەگىزدەرسىز اشىلماعان بايلانىستى تاراپتار اراسىنداعى مامىلەلەرگە قاتىسقانى تۋرالى رەسپۋبليكانىڭ پوزيتسياسىن سوت شەشىمى راستايدى. بۇل ترانزاكتسيالار ستاتيمەن شىعىنداردى ارتتىرۋ ءۇشىن پايدالانىلىپ، كەيىنىرەك رەسپۋبليكادان تورەلىكتە تالاپ ەتىلدى. سوت ستاتي كومپانيالارى تولەمدەردى ءوزارا زاڭدىق نەمەسە فاكتىلىك نەگىزسىز جۇزەگە اسىرعانى تۋرالى قورىتىندىعا كەلدى.

الايدا، بۇل تولەمدەر رەسپۋبليكا مەن ستاتي اراسىندا داۋ تۋىنداعانعا دەيىن جۇرگىزىلگەندىكتەن، سوت گوللانديالىق زاڭناما بويىنشا شەشىمدى تانۋدان باس تارتۋ ءۇشىن ولار جەتكىلىكسىز دەپ بەلگىلەدى.

رەسپۋبليكا سوت دالەلدەمەسىنىڭ وسى بولىگىمەن كەلىسپەيدى. تورەلىك سوت شەشىم شىعارعان كەزدە ستاتي ءوزىنىڭ شىعىستارى تۋرالى كورىنەۋ جالعان مالىمەتتەر مەن فالسيفيكاتسيالانعان قارجىلىق كورسەتكىشتەر ۇسىندى جانە تورەلىك سوت ولارعا سۇيەندى. سوندىقتان، رەسپۋبليكا بۇل پروتسەسسۋالدىق الاياقتىقتى ايقىن تۇردە بىلدىرەدى دەپ سانايدى.

ىسكە قاتىستى ستاتي قارجىلىق الاياقتىعىن ناقتى كورسەتەتىن قارجىلىق كورسەتكىشتەر تۋرالى اقپارات تالقىلاۋدان الىپ تاستالدى. ماسەلەن، وتكەن جىلى KPMG حالىقارالىق كونسالتينگتىك كومپانياسى مولداۆاندىق بيزنەسمەندەر ءوز اۋديتورلارىنا ادەيى ۇسىنعان جالعان قارجىلىق اقپاراتقا بايلانىستى قازاقستانداعى ستاتي كومپانيالارىنا بەرىلگەن اۋديتورلىق ەسەپتەرىن قايتارىپ الدى. بۇل رەتتە گوللانديالىق سوتقا جانە رەسپۋبليكاعا تالقىلاۋ كەزىندە 2016-2019 جىلدارى ارالىعىنداعى ستاتي مەن KPMG اراسىنداعى حات الماسۋ تۋرالى بەلگىلى بولعان جوق، ول تەك 2019 جىلدىڭ قازانىندا (امستەردامنىڭ اپەللياتسيالىق سوتىندا عى تىڭداۋدان ءۇش اي وتكەننەن كەيىن) انىقتالدى. وسى حات الماسۋدا KPMG نەلىكتەن ستاتي KPMG-گە بۇرمالانعان مالىمەتتەردى ۇسىنعانى جانە بورانكول كەن ورنىندا اياقتالماعان گاز وڭدەۋ زاۋىتىن سالۋعا جۇمسالعان جۇزدەگەن ميلليون اقش دوللارىن قۇرايتىن شىعىنداردىڭ قانشالىقتى زاڭدى بولعانى تۋرالى سۇراقتاردى كوتەردى. تورەلىك باستالعانعا دەيىن زاۋىتتى سالۋدى توقتاتقان ستاتي ءاردايىم وسى ماڭىزدى دالەل تۋرالى بىلگەن.

ستاتي قازاقستانعا قارسى جاسالعان الاياقتىقتىڭ اۋقىمىن جاسىرۋ ماقساتىندا بۇل اقپاراتتى گوللانديالىق سوتتان جاسىردى.

رەسپۋبليكا سوت شەشىمىنە شاعىم جاساۋ مۇمكىندىكتەرىن زەردەلەۋدە.

 

 

سوڭعى جاڭالىقتار

ۇقساس جاڭالىقتار