وقيعا • 14 شىلدە، 2020

پەتروپاۆلدا كولىكجايدان 50 كەلىدەن استام ماريحۋانا تابىلدى

36 رەت كورسەتىلدى

پوليتسەيلەر 31 جاستاعى پەتروپاۆلدىق تۇرعىننىڭ كولىكجايىنان 50 كەلىدەن استام ماريحۋانا تاركىلەدى. بۇل تۋرالى Polisia.kz حابارلايدى، دەپ جازادى Egemen.kz

سقو پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى قىزمەتكەرلەرى پەتروپاۆل قالاسىنىڭ تۇرعىنىن ۇستادى. ونىڭ ۇيىنەن اسا ءىرى كولەمدەگى ماريحۋانا تاركىلەندى. سونىمەن بىرگە وڭىردەگى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنا تۇرعىننىڭ ەسىرتكى زاتتارىن تاراتۋعا قاتىسى بار دەگەن جەدەل اقپارات كەلىپ تۇسكەندىكتەن، جەدەل-ىزدەستىرۋ جۇمىستارى باستالدى.

ءتىنتۋ ءىس-شارالارى بارىسىندا قىزمەتتىك-ىزدەستىرۋ ءيتى كۇدىكتىنىڭ ۇيىندەگى كولىكجايدان قاپتاردىڭ ىشىندە ەرەكشە ءيىستى، وسىمدىك تەكتەس زات سالىنعان ءۇش قوراپتى انىقتادى. سوت-حيميالىق ساراپتاما اكتىلەرىنە سايكەس، سالماعى 51 كەلى كەپتىرىلگەن ماريحۋانا بولىپ شىقتى.

قازىرگى ۋاقىتتا تۇرعىن تەرگەۋ يزولياتورىندا. اتالعان فاكتى بويىنشا سوتقا دەيىنگى تەرگەۋ جۇرگىزىلىپ جاتىر. وبلىستىق پوليتسيا دەپارتامەنتى باسشىسىنىڭ ورىنباسارى رۋسلان نازاروۆتىڭ ايتۋىنشا، قازىر اتالعان فاكتى بويىنشا قاجەتتى ساراپتامالار، ءىستىڭ ءمان-جايىن انىقتايتىن تەرگەۋ امالدارى جۇرگىزىلىپ جاتىر. جىل باسىنان بەرى وبلىس اۋماعىندا 111 ەسىرتكى قىلمىستارى انىقتالدى. زاڭسىز اينالىمنان 173 كەلىدەن استام ءتۇرلى ەسىرتكى زاتتارى الىندى.


سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار