كوميسسيا جۇمىسىنىڭ قورىتىندىسى بويىنشا بەلورۋسسيا پرەزيدەنتى لاۋازىمىنا كۇرەستى رەسپۋبليكانىڭ قازىرگى باسشىسى الەكساندر لۋكاشەنكو, ەكس-دەپۋتات اننا كانوپاتسكايا, "گوۆوري پراۆدۋ" قوزعالىسىنىڭ كوشباسشىسى اندرەي دميتريەۆ, بلوگەر سەرگەي تيحانوۆسكيدىڭ جۇبايى سۆەتلانا تيحانوۆسكايا, سونداي-اق "بەلورۋسسيالىق سوتسيال-دەموكراتيالىق گرامادا" پارتياسىنىڭ توراعاسى سەرگەي چەرەچەن جالعاستىرادى. بۇل رەتتە, قولداۋشىلارىنىڭ جەتكىلىكسىز بولۋىنا بايلانىستى پرەزيدەنتتىڭ ەكس-كومەكشىسى ۆالەريا تسەپكالو, سونداي-اق بۇرىنعى بەلگازپرومبانكتىڭ باسشىسى ۆيكتور باباريكوعا شەت مەملەكەتتەر مەن ۇيىمداردىڭ تابىسى جانە ونىڭ ناۋقانىن قارجىلاندىرۋداعى كومەگى تۋرالى دەكلاراتسيانىڭ سايكەس كەلمەۋىنە بايلانىستى تىركەۋدەن باس تارتىلدى.
ەستەرىڭىزگە سالا كەتەيىك, بەلورۋسسيا پرەزيدەنتىنىڭ سايلاۋى 9 تامىزدا وتەدى. پرەزيدەنتتىككە كانديداتتاردا سايلاۋ الدىنداعى ۇگىت جۇرگىزۋ ءۇشىن ءبىر ايدان از ۋاقىت بولادى. بۇل رەتتە سوڭعى ايلاردا ەلدە جاپپاي نارازىلىق اكتسيالارى ءوتىپ, 700-دەن استام ادام ۇستالدى. ولاردىڭ ءبىر بولىگى ءالى كۇنگە دەيىن قاماۋدا.
