ايتا كەتەرلىگى, مەديتسينالىق مەكەمەگە تۇسكەن ءدارىنىڭ ءار قۇتىسىنا "تەگىن" دەگەن قىزىل ءمور قويىلادى. ياعني مۇنداي دارىلەردى وزگە جەردەن كەزىكتىرگەن ازامات جەرگىلىكتى اكىمدىككە شاعىمدانا الادى.
سونىمەن قاتار, وبلىس اكىمى ومىرزاق شوكەەۆتىڭ باستاماسىمەن جۇرگىزىلگەن كەلىسىمگە سايكەس, ءتۇركيادان 41 ءتۇرلى ءدارى قورى جەتكىزىلەتىن بولادى. ولاردىڭ قاتارىندا ناۋقاستارعا ارنالعان انتيبيوتيكتەر, ۆيرۋسقا قارسى پرەپاراتتار مەن تەمپەراتۋرانى تومەندەتىن انتيكواگۋليانتتار بار. اتالعان دارىلەر الداعى اپتادا وبلىستاعى 160-قا جۋىق دارىحانالارعا شەكتى باعامەن ۇلەستىرىلەدى. دارىلەر دەنساۋلىق مينيسترلىگى بەكىتكەن شەكتى باعامەن ساتىلاتىن بولادى. زاڭدىلىقتىڭ ساقتالۋىن ارنايى مونيتورينگتىك توپ باقىلايدى. سونداي-اق, انتيبيوتيكتەر تەك دارىگەردىڭ نۇسقاۋىمەن بەرىلىپ, ءبىر ادامعا ەكى قوراپتان ارتىق ساتىلمايدى. جالپى وبلىس اكىمدىگى حالىقتى قاجەتتى دارىلىك زاتتارمەن قامتاماسىز ەتۋ ماقساتىندا جەرگىلىكتى بيۋدجەت ەسەبىنەن 500 ملن تەڭگە ء بولءىپ وتىر.
