تەدروس گەبرەيەسۋس بارلىق ەلدەر قاۋىپ-قاتەرگە ۇشىراعانىن, الايدا كوروناۆيرۋستان بارلىعى بىردەي دارەجەدە زارداپ شەككەن جوق ەكەنىن اتاپ ءوتتى. ددۇ باسشىسىنىڭ ايتۋىنشا, ءبىرىنشى ستسەناري اۋرۋدىڭ ءورشۋى تۋرالى ەسكەرتىلگەن جانە حاباردار بولعان ەلدەردە جۇزەگە اسىرىلدى — ناتيجەسىندە ولار ءىرى ورشۋلەردەن قۇتىلا الدى. ولاردىڭ قاتارىندا وڭتۇستىك-شىعىس ازيا, كاريب باسسەينى, افريكا جانە تىنىق مۇحيتى ايماعىنىڭ كەيبىر ەلدەرى بار.
ەۋروپانىڭ كوپتەگەن ەلدەرىندە بايقالعان ەكىنشى ستسەناريگە سايكەس, اۋرۋدىڭ اۋقىمدى ءورشۋى ورىن الدى, الايدا ولار كوروناۆيرۋستىڭ تارالۋىن بولدىرماۋ بويىنشا شارالاردى ۇستاناتىن باسشىلىق پەن حالىقتىڭ ارقاسىندا باقىلاۋعا الىندى.
گەبرەيەسۋس ءۇشىنشى ستسەناري اۋرۋدىڭ العاشقى ءورشۋىن جەڭە العان ەلدەردە پايدا بولعانىن, بىراق ولار شەكتەۋلەردى السىرەتىپ, ەندى اۋرۋدىڭ جاڭا تولقىنىمەن كۇرەسۋگە ءماجبۇر بولعانىن اتاپ ءوتتى. بۇل رەتتە ول مۇنداي ستسەناري بايقالاتىن ەلدەردى ايتپادى.
ءتورتىنشى ستسەناريگە امەريكا, وڭتۇستىك ازيا جانە افريكانىڭ بىرنەشە ەلدەرىن قامتيدى, وندا ينفەكتسيانىڭ قارقىندى بەرىلۋ كەزەڭى بايقالادى. گەبرەيەسۋس اۋرۋدى باقىلاۋعا الۋ ءۇشىن ەشقاشان كەش ەمەس ەكەنىن اتاپ ءوتتى.
14 شىلدە كۇنى تاڭەرتەڭ الەمدە كوروناۆيرۋستى جۇقتىرعانداردىڭ جالپى سانى 13,1 ميلليون ادامنان استى. پاندەميا 188 ەلدى قامتىدى. SARS-CoV-2-دەن ەڭ كوپ زارداپ شەككەن ەل-اقش (جۇقتىرعانداردىڭ سانى 3,4 ميلليوننان اسادى). ەكىنشى ورىندا برازيليا (1,8 ميلليون ادام), ءۇندىستان (906 مىڭ ادام) ءۇشىنشى ورىندا. رەسەي (733 مىڭ) پەرۋدەن (330 مىڭ) وزىپ ءتورتىنشى ورىنعا تۇراقتادى. رەيتينگتىڭ وندىعىنا چيلي, مەكسيكا, ۇلىبريتانيا, وار جانە يران ورنالاستى.
