تۋريزم • 14 شىلدە، 2020

ىشكى تۋريزمگە يەك ارتاتىن كەز

23 رەت كورسەتىلدى

پاندەميانىڭ ارىنى باياۋلاماي تۇرىپ دەمالىس ورىندارىنا بارۋ تۋرالى ايتۋ ارتىقتاۋ بولىپ كورىنۋى مۇمكىن، ارينە. دەگەنمەن، ەلىمىزدەگى جانە شەتەلدەگى دەمالىس ورىندارى، تۋريستىك نىساندار كارانتين جاعدايىنا بەيىمدەلگەنىن، جۇمىس ىستەۋدى باستاعانىن، حالىقارالىق رەيستەر اشىلىپ جاتقانىن ەسكەرسەك، جازعى دەمالىسىن جوسپارلاپ جۇرگەندەردىڭ قاتارى از بولماسى انىق. وسىعان وراي، Freedom Finance Life كومپانيا­سى قازاقستاندىقتار ءۇشىن كۋرورتتارعا بارۋدىڭ قۇنى قانشاعا تۇسەتىنى تۋرالى حابارلادى.

بىلتىر ەل ازاماتتارى شەتەلگە 8،2 ملن مارتە شىعىپتى. ەل ىشىن­دەگى كۋرورتتارعا بارعانداردىڭ سانى ءبىرشاما ازداۋ – 5 ملن شاماسىندا. سونىڭ وزىندە 5 ملن-دىق مەجە بۇرناعى جىلدارمەن سالىستىرعاندا ايتارلىقتاي جوعارى كورسەتكىش ەكەن.  كوروناۆيرۋس پاندەمياسى سالدارىنا بايلانىستى بيىلعى جاعداي باسقاشا. شەكارانىڭ جابىلۋىنا، ەل ىشىندەگى قاتىناستاردىڭ توقتاۋىنا بايلانىستى العاشقى جارتىجىلدىقتا ساياحاتتايتىنداردىڭ قاتارى كۇرت ازايدى.  كوپتەگەن جەرلەستەرىمىز كوكتەمگە جوسپارلانعان وتاندىق جانە شەتەلدىك تۋرلاردان باس تارتتى.

شەكارا اشىلعاننان كەيىن دە بيلەت ساتىپ الۋعا ۇمتىلعاندار شامالى. كوپشىلىگى قاۋىپسىزدىك ماقساتىندا سايا­حاتتان باس تارتتى، ال كەيبىر ادامدار مۇلدە تابىسسىز قالدى.  بۇل جاعدايدا، قازاقستاندىقتاردىڭ كوپشىلىگى ىشكى ءتۋريزمدى ءجون سانايدى. 

– البەتتە، كوپتەگەن تۋريستىك فيرمالار جول ءجۇرۋ، تاماقتانۋ جانە كۇنەل­تۋ قۇنىن كوتەرۋدى ازىرشە توقتاتا تۇرۋدى ءجون ساناپ وتىر. سونىڭ ار­قاسىندا تۋريستەرگە جاعىمدى جاع­داي تۋعىزۋدى كوزدەيدى. الايدا كەيبىر جەرلەردە باعا شامامەن 10 پايىزداي كوتەرىلدى، – دەپ حابارلادى Freedom Finance Life.

1

سونىمەن، ەلىمىزدەگى ەڭ ايگىلى تۋريستىك باعىتتاردا دەمالۋ ورتا ەسەپپەن 14 مىڭ تەڭگە. مىسالى، ال­اكولدە دەمالۋ ءۇشىن تاۋلىگىنە 9-10 مىڭ تەڭگە تولەۋ كەرەك. زەرەندى مەن بۋرابايداعى باعالار دا سوعان ۇقساس. ال ساۋىقتىرۋ كەشەندەرىندەگى باعا ودان جوعارىلاۋ. ايتالىق، شىعىس قازاقستانداعى مارال شارۋاشىلىعىنداعى باعا تاۋلىگىنە 22-32 مىڭ تەڭگە ارالىعىندا.

2018-2019 جىلدارى شەتەلدىك با­­عىتتاردىڭ ىشىندە ەڭ تانىمالى تۇر­كيا، مىسىر، بىرىككەن اراب امىر­لىكتەرى، تايلاند، گرەكيا، بولگاريا، چەحيا جانە قىتاي بولدى. بىلتىردان بەرى حالىقتىڭ تال­عامى وزگەرىپ كەتە قويماعانى تاعى راس.  شەتەلدە دەمالۋدى قالايتىن تۋريستەردىڭ 85 پايىزى وسى ەلدەردى تاڭداعانى وسىنى كورسەتەدى. سونداي-اق گرۋزيا، مالديۆ ارالدارى مەن شري-لانكا دا جەرلەستەرىمىز كوپ تاڭداعان باعىت­تاردىڭ قاتارىنا قوسىلىپتى.

Freedom Finance Life-تىڭ حابارلاۋىنشا، تۇركيانىڭ كۋرورتتىق اي­ماقتارىندا 1 اپتا دەمالۋ قۇنى ورتا ەسەپپەن 350 مىڭ تەڭگەگە تۇسسە، مىسىرعا بارۋ ءۇشىن 260 مىڭ تەڭگە كەرەك. تايلاندتا 8 كۇن دەمالۋ – 290 مىڭ تەڭگە، بىرىككەن اراب امىرلىكتەرىندە – 350 مىڭ تەڭگە، گرۋزيادا 250 مىڭ تەڭگە تۇرادى. مالديۆ ارالدارىنا 6 كۇنگە بارۋدىڭ قۇنى 400 مىڭ تەڭگە بولسا، شري-لانكاعا بارۋ ءۇشىن كەمىندە 350 مىڭ تەڭگە كەرەك. بۇل سوماعا ۇشاق بيلەتى مەن ورتاشا قوناقۇيدە تۇرۋ كىرەتىنىن ايتا كەتەيىك.

بىلتىر قازاقستاندا شەتەلدەگى تۋريستەردى مىندەتتى مەديتسينالىق ساق­­تاندىرۋ ءتارتىبى ەنگىزىلدى. اتاپ ايت­قاندا، تۋروپەراتورلار ءار ءتۋريستى ساقتاندىراتىن بولعان.  وعان قوسا، ساقتان­دىرۋ كومپانيالارى دا قو­سىمشا ساقتاندىرۋ قىزمەتىن ۇسى­نادى. وكىنىشكە قاراي، ساقتاندىرۋ كوم­پانيالارىنىڭ كوبىسى تۋريستەرگە COVID-19 پاندەمياسىنا قاتىستى كەلەڭ­­سىزدىكتەردەن ساقتاندىرۋ قىزمە­تىن كورسەتپەيدى.

 

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار