سپورت • 13 شىلدە، 2020

"مانچەستەر سيتي" چەمپيوندار ليگاسىنا قاتىساتىن بولدى

27 رەت كورسەتىلدى

سپورتتىڭ تورەلىك سوتى (CAS) "مانچەستەر ءسيتيدىڭ" اپەللياتسيالىق شاعىمىن قاناعاتتاندىرىپ، ولاردى ەۋروكۋبوكتاردان ەكى ماۋسىمعا شەتتەتۋ تۋرالى شەشىمنىڭ كۇشىن جويدى. بۇل تۋرالى سوتتىڭ ءباسپاسوز قىزمەتى حابارلادى، دەپ جازدى Prosports.kz.

ەستەرىڭىزگە سالا كەتەيىك، قىستا ۋەفا "مانچەستەر سيتي" كلۋبىنىڭ قارجىلىق الاياقتىق جاساپ، شىعىندارىن جاسىرۋ ءۇشىن دەمەۋشىلىك كەلىسىمشارتتاردان تولەنگەن تولەمدەردى قاساقانا اسىرىپ كورسەتكەنىن حابارلاعان بولاتىن.

وسى اركەتى ءۇشىن شەنەۋنىكتەر انگليالىق كوماندانى 2020/2021 جانە 2021/2022 ماۋسىمداردا چەمپيوندار ليگاسى مەن ەۋروپا ليگاسىنان شەتتەتىپ، 30 ميلليون ەۋرو كولەمىندە ايىپپۇل سالۋ تۋرالى شەشىم قابىلداعان بولاتىن.

وسىدان كەيىن "مانچەستەر سيتي" اپەللياتسيالىق شاعىم ءتۇسىردى. ولاردىڭ شاعىمى ءىشىنارا ورىندالىپ وتىر. ەندى ولار ەۋروپالىق جارىستارعا قاتىسا الادى. بىراق 10 ميلليون ەۋرو ايىپپۇل تولەۋگە تۋرا كەلەدى.

سوڭعى جاڭالىقتار

ۇقساس جاڭالىقتار