الەم • 13 شىلدە، 2020

تۇركيادا تۇراتىن قانداستاردىڭ مەديتسينا جابدىقتارىن قازاقستانعا جىبەرە الماي جاتقانى شىندىققا جاناسپايدى

35 رەت كورسەتىلدى

تۇركياداعى قازاق دياسپوراسى قاراجاتىنان الىنعان مەديتسينالىق بۇيىم مەن جابدىقتاردىڭ ەكى اپتادان بەرى قازاقستانعا جىبەرىلمەي جاتقاندىعى جونىندەگى اقپارات شىندىققا جاناسپايدى، دەپ جازادى Egemen.kz قر ءسىم ءباسپاسوز قىزمەتىنە سىلتەمە جاساپ

"الەۋمەتتىك جەلىلەردە تۇركياداعى قازاق دياسپوراسى قاراجاتىنان ساتىپ الىنعان مەديتسينالىق ماقساتتاعى بۇيىمدار مەن مەديتسينالىق جابدىقتاردىڭ ەكى اپتادان استام ۋاقىت ىشىندە قازاقستانعا جىبەرىلمەي جاتقاندىعى تۋرالى اقپارات شىندىققا جاناسپايدى. سونىمەن قاتار، ۇكىمەت بۇل جۇكتى قازاقستانعا جەتكىزۋگە كومەك كورسەتۋدى ادەيى سوزىپ وتىر دەگەن اقپارات نەگىزسىز. وسىعان وراي، قازاقستان رەسپۋبليكاسىنىڭ سىرتقى ىستەر مينيسترلىگى انكارا مەن ىستانبۇل قالالارىنان تۇركيا ۇكىمەتىنەن رەسمي گۋمانيتارلىق كومەكتى، تۇرىك قازاقتارى قاۋىمداستىعى (KATEAD) مەن قازاقستان ازاماتتارىنىڭ باستاماشىل توبى ساتىپ العان جۇكتى ەلىمىزگە جەتكىزۋدى پىسىقتاپ جاتقاندىعىن حابارلايمىز"، دەلىنگەن مينيسترلىكتىڭ Telegram-داعى پاراقشاسىندا.

بۇل جۇكتەردى جەتكىزۋدىڭ جالپى ۇيلەستىرۋ جۇمىستارىن قازاقستاننىڭ تۇركياداعى ەلشىلىگى جۇزەگە اسىرادى. سونداي-اق، وسى ىنتىماقتاستىق تۋرالى اقپاراتتى KATEAD سايتىندا جاريالادى.

"جۇكتەردى اۆياكومپانيامەن انكارا-الماتى باعىتى بويىنشا جەتكىزۋ اعىمداعى جىلدىڭ 14 شىلدەسىنە جوسپارلانعان. وسى رەتتە جالعان نەمەسە تەكسەرىلمەگەن اقپاراتتى تاراتپاۋدى سۇرايمىز"، دەلىنگەن حابارلامادا.

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار