قوعام • 13 شىلدە، 2020

تەمىرحان مەدەتبەك: بۇل - "مىلتىقسىز مايدان"

177 رەت كورسەتىلدى

بۇل كەزەڭ - قازاقتىڭ باسىنا عانا ەمەس، بارشا ادامزات بالاسىنا كەلگەن زۇلمات كەزەڭ بولىپ وتىر. شارتاراپتى شارلاعان ىندەتتەن قايتىس بولعان ازاماتتاردىڭ وتباسىلارىنا قايعىرا كوڭىل ايتامىن.

ەلىمىزدە جاسى بار، جاسامىسى بار تالاي ازاماتتاردى ىندەپ جالماپ الدى. حالقىمىزدىڭ تاريحىندا بۇرىن دا ناۋبەتتى جىلدار بولعان. ول تاۋقىمەتتەن دە سۇيرەتىلىپ، زورعا امان قالدىق. ەندى مىنا ىندەت بەتپە-بەت كەلىپ تۇرعان جاۋ ەمەس. بۇل شەرحان مۇرتازا ايتقانداي، "مىلتىقسىز مايدان". وسى جولدا پرەزيدەنتتىڭ وزىنەن باستاپ كۇرەسىپ جاتىر. اسىرەسە، دارىگەرلەردىڭ ەڭبەگى وتە زور. وكىنىشكە قاراي، اتى جامان اۋرۋ ءالى دە ءورشىپ تۇر. جان-جاقتان كەلگەن قارالى حابارلار جەلدەي ەسۋدە. بۇعان جۇرەك سىزداپ، قابىرعامىز قايىسىپ وتىر. دەگەنمەن، وسىنداي سىناق ۋاقىتتا وسالدىق تانىتپاۋىمىز كەرەك. بۇل كەزەڭدە ەڭ ۇلكەن باتىرلىق - اركىمنىڭ ءوز جاۋاپكەرشىلىگى. قاتاڭ شارالاردى ساقتاپ، ۇيدە وقشاۋلانساق، ەلىمىزگە، ەكونوميكامىزعا كورسەتىلگەن ۇلكەن كۇش بولماق.

تەمىرحان مەدەتبەك،
اقىن، مەملەكەتتىك سىيلىقتىڭ يەگەرى

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار