تابيعاتتىڭ توسىن مىنەزىنەن تەمىرتاۋ قالاسى دا زارداپ شەكتى. ەكى قالادا دا عيماراتتاردىڭ توبەسىنەن قۇلاعان قاڭىلتىر شاتىر اۆتوتۇراقتا تۇرعان كولىكتەردىڭ ۇستىنە ءتۇسىپ, ولارعا ەلەۋلى زاقىم كەلتىردى.
داۋىل جانە ىلە-شالا بولعان نوسەر جاڭبىردان كەيىن كوممۋنالدىق قىزمەتتەر مەن توتەنشە جاعدايلار قىزمەتىنىڭ قۇتقارۋشىلارى بىردەن ىسكە كىرىسىپ, اپاتتىڭ سالدارىمەن كۇرەستى شۇعىل تۇردە ۇيىمداستىردى. كەلتىرىلگەن ناقتى زاقىمدار مەن زارداپتاردىڭ اۋقىمى انىقتالۋ ۇستىندە.
قازىرگى ۋاقىتتا قاراعاندى قالاسى بويىنشا ەلەكتر قۋاتى وڭتۇستىك-شىعىس ىقشام اۋدانىندا, ءىشىنارا مايقۇدىق, پريشاحتينسك جانە سۇرىپتاۋەلدى مەكەندەرىندە قالپىنا كەلتىرىلدى.
جوعارى كەرنەۋلى جەلىلەردىڭ ءۇزىلۋىنە بايلانىستى وبلىس ورتالىعىنداعى ميحايلوۆكا, فەدوروۆكا جانە پريشاحتينسك ەلدى مەكەندەرىندەگى جەكە سەكتورلارعا ەلەكتر قۋاتى تاڭعا قاراي بەرىلىپ قالۋى مۇمكىن. قازىرگى ۋاقىتتا ارنايى بريگادا بۇل جەرلەردە اپات سالدارىن جويۋمەن اينالىسىپ جاتىر.
ال قالاداعى جارىقسىز قالعان اۋرۋحانالار اپاتتىق جاعدايلارعا ارنالعان قۋات كوزدەرىنەقوسىلدى.
