كورشى ەل بۇل ماسەلەنى 90-جىلدار اياعىندا جوسپارلاپ, 2000-شى جىلى ونىڭ ءبىرىنشى كەزەڭى ىسكە اسقان. ال, جاقىندا سوڭعى ناۆيگاتسيالىق سپۋتنيكتى ۇشىرىپ, اتالمىش جۇيەنى تولىق جاساقتاپ ءبىتتى.
جۇيەنىڭ عالامدىق قامتىلۋى دا كوڭىل كونشىتەرلىك. بىلتىرعى جىلدىڭ اياعىندا عانا قىتايلىق سمارتفونداردىڭ 70 پايىزى Beidou ارقىلى جۇمىس ىستەگەن. سونىمەن قاتار جۇيەنىڭ كارتوگرافيالىق تەحنولوگياسىن پايدالانۋ ءۇشىن جۇزدەن اسا ارىپتەس كومپانيالار نيەت بىلدىرگەن.
2013 جىلدان قىتايدىڭ كولىك مينيسترلىگى جۇك تاسيتىن اۆتوموبيلدەر مەن اۆتوبۋستارى وسى جۇيەنى قولدانا باستاعان. بۇل قىتايدا اقش-پەن عالامدىق تەكەتىرەس بولا قالعان جاعدايدا GPS ناۆيگاتسيالىق جۇيەسىنە تاۋەلدى بولماۋدىڭ مۇمكىندىگى تۋعانىن كورسەتىپ وتىر.
