ايماقتار • 11 شىلدە، 2020

ىشىمدىك ءىشىپ كولىك جۇرگىزگەن بەس اتىراۋلىق ۇستالدى

63 رەت كورسەتىلدى

اتىراۋ پوليتسەيلەرى ىشىمدىك ءىشىپ كولىك تىزگىندەگەن بەس جۇرگىزۋشىنى ۇستادى، – دەپ حابارلايدى Egemen.kz. بۇل تۋرالى Polisia.kz مالىمدەگەن. 

0 شىلدەگە قاراعان ءتۇنى اتىراۋ  قالاسى اۋماعىندا بەس جۇرگىزۋشى ماس كۇيىندە انىقتالدى.  ولاردىڭ ەكەۋى 1982 جىلى تۋعان جانە 1998 جىلى تۋعان ايەل ادامدار. سوت مەديتسينالىق ساراپتاما قورىتىندىسىمەن جۇرگىزۋشىلەردىڭ ىشىمدىك ىشكەندەرى راستالدى. ىشىمدىك ىشكەن جۇرگىزۋشىلەرگە قاتىستى قر Əقبتك 608-بابى “جۇرگىزۋشىنىڭ كولىك قۇرالىن الكوگولدىك ماساڭ كۇيدە باسقارۋى” بويىنشا اكىمشىلىك حاتتامالار جاساقتالدى.

ال، 1995 جىلعى ەر ادامنىڭ بۇعان دەيىن جۇرگىزۋشى قۇقىنان ايىرىلعانى انىقتالىپ، وعان قاتىستى قك 346-بابى بويىنشا قىلمىستىق ءىس قوزعالدى. اتىراۋ وبلىسى پوليتسيا دەپارتامەنتىنىڭ باستىعى پوليتسيا پولكوۆنيگى كامزا ۇمبەتقاليەۆ،  2019 جىلى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ قول قويعان “قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق جانە قىلمىستىق-پروتسەستىك زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” تۋرالى زاڭعا سايكەس، 2020 جىلدىڭ 11 قاڭتارىنان باستاپ كولىكتى ماس كۇيىندە جۇرگىزگەنى ءۇشىن جازا كۇشەيتىلدى.

مۇنداي زاڭ بۇزۋشىلار جول-كولىك اپاتىن جاساماي-اق، ازاماتتارعا زيان كەلتىرمەسە دە، 15 تاۋلىككە قاماۋ جونىندە اكىمشىلىك جازا تاعايىندالىپ، جەتى جىلعا دەيىن جۇرگىزۋشىلىك قۇقىعىنان ايىرىلادى. اتالعان قۇقىق بۇزۋشىلىق قايتالانعان جاعدايدا، قاماۋ مەرزىمى 20 تاۋلىككە دەيىن، ال جۇرگىزۋشىلىك قۇقىعىنان ايىرۋ سەگىز جىلعا دەيىن ۇزارتىلادى، دەدى. اتىراۋلىق پوليتسەيلەر وسى كۇنى،  قالادا كارانتيندىك شەكتەۋ شارالارىن بۇزعانى ءۇشىن بەس اۆتوكولىك جۇرگىزۋشىسىن انىقتاپ، ولارعا قاتىستى  جيناقتالعان قۇجاتتاردى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولدادى.

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار