ءبىلىم • 11 شىلدە، 2020

قاشىقتان وقىپ، ءتىل ۇيرەن!

36 رەت كورسەتىلدى

قازاقستان رەسپۋبليكاسى مادەنيەت جانە سپورت مينيسترلىگى ءتىل cاياساتى كوميتەتى ش.شاياحمەتوۆ اتىنداعى ء"تىل-قازىنا" ۇلتتىق عىلىمي-پراكتيكالىق ورتالىعىنىڭ قولداۋىمەن رەسپۋبليكالىق ءتىل وقىتۋ ورتالىقتارى ەلىمىزدەگى توتەنشە جاعدايعا بايلانىستى مەملەكەتتىك جانە باسقا دا تىلدەردى قاشىقتان وقىتۋ شاراسىن باستادى، - دەپ حابارلايدى ەgemen.kz

قاشىقتىقتان ءبىلىم بەرۋ – وقىتۋدىڭ ايرىقشا تەحنولوگياسى دەگەن ءسوز ەمەس، بۇل ەڭ ءبىرىنشى كەزەكتە «اۋديتوريادا عانا وقۋ» سەكىلدى قالىپتاسقان قاساڭ تۇسىنىكتىڭ تار اۋقىمىنان شىعۋعا مۇمكىندىك بەرەدى.

سوندىقتان، رەسپۋبليكامىزدىڭ تۇكپىر-تۇكپىرىندەگى ورتالىققا قاراستى تىلدەردى دامىتۋ، وقىتۋ ورتالىقتارىنىڭ قازىرگى قاشىقتىقتان وقىتۋ رەجىمى تۋرالى ىزدەنىسىن پاندەميا جاعدايىنداعى ەرىكسىز ماجبۇرلىك دەپ ەمەس، قايتا وسى شەككە دەيىن بۇل سالادا جيناقتالعان مول تاجىريبەنى كەڭىنەن قولدانۋدىڭ جان-جاقتى مۇمكىندىگى رەتىندە قابىلداۋعا بولادى.

وسى سالا بويىنشا قىزمەت جاسايتىن 98 وقىتۋ ورتالىعى  بۇگىنگى تاڭدا  قاشىقتان وقىتۋ ءۇردىسىن "قاشىقتان وقىپ، ءتىل ۇيرەن" اكتسياسى اياسىندا جالعاستىرىپ وتىر.

ءاربىر جەرگىلىكتى جەردىڭ بايلانىس مۇمكىندىگى  ەسكەرىلىپ، ىنتا ءبىلدىرۋشىنىڭ ىڭعايىنا قاراي تاڭداۋ ەركى قاراستىرىلعان. ZOOM، Whatsapp، Skype، Google Classroom، تelegram، Instagram  پلاتفورمالارى ارقىلى تىكەلەي ونلاين ساباققا قاتىسىپ، ونلاين ساباق جازباسىن  الۋ مۇمكىندىگىنە يە. ءتىلدى ءوز ەركىمەن ۇيرەنگىسى كەلەتىن ازاماتتارعا ارنالعان Tilqural.kz سايتى جۇمىس جاسايدى. ەلەكتروندى وقۋ قۇرالدارىن، قاجەتتى اقپاراتتى ەلەكتروندى پوشتامەن الۋعا بولادى.

وقىتۋ ورتالىقتارىنىڭ تاجىريبەلى، بىلىكتى وقىتۋشىلارى يننوۆاتسيالىق تەحنولوگيالاردى، ادىستەردى پايدالانا وتىرىپ، قىزىقتى ءارى پايدالى ءدارىس جۇرگىزەتىن بولادى.

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار