ءبىلىم • 11 شىلدە، 2020

قازاقستاندا ەلەكتروندى وقۋلىقتار دايىندالىپ جاتىر

24 رەت كورسەتىلدى

بۇل تۋرالى ءبىلىم جانە عىلىم ءمينيسترى اسحات ايماعامبەتوۆ جۋرناليستەرمەن وتكەن ونلاين بريفينگتە مالىمدەدى، - حابارلايدى Egemen.kz

ء"بىز باسپامەن كەلىسىپ قويدىق. وقۋلىقتاردىڭ ەلەكتروندى نۇسقاسى قولجەتىمدى بولۋى كەرەك. ءبىز دە، باسپا دا قازىرگى ۋاقىتتا جۇرگىزىپ جاتقان ەڭ ماڭىزدى جۇمىستاردىڭ ءبىرى وسى"، - دەدى مينيستر. 

مينيستر قىركۇيەكتە بالالار قانداي فورماتتا وقيدى دەگەن سۇراققا جاۋاپ بەردى. ونىڭ ايتۋىنشا وسى ءۇش باعىت بويىنشا دايىندىق جۇمىستار قىزۋ جۇرگىزىلۋدە. "وسى ءۇش نۇسقا دەنساۋلىق ساقتاۋ مينيسترلىگىمەن، باسقا دا مەملەكەتتىك ورگاندارمەن تالقىلانۋ ۇستىندە. ونىڭ قىر-سىرىن زەرتتەۋ بويىنشا جۇمىس توپتارى بار. ىسكە عالىمدار مەن پەداگوگتاردى، مەكتەپ ديرەكتورلارى مەن ساراپشىلاردى تارتتىق. سول سەبەپتى قازىرگى ۋاقىتتا بارلىق وڭىردە ۇلكەن تالقىلاۋ جۇمىستارى جۇرگىزىلۋدە. وسىعان دەيىن الەۋمەتتىك جەلىدە تاراپ كەتكەن سلايد-ماتەريال ءبىلىم جانە عىلىم مينيسترلىگىنە تيەسىلى ەمەس. ونى مەكتەپ دەڭگەيىندە تالقىلاعانداردىڭ ءبىرى تاراتۋى مۇمكىن"، - دەدى ا.ايماعامبەتوۆ. 

 

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار