ءبىلىم • 11 شىلدە، 2020

مەملەكەتتىڭ ەسەبىنەن ينتەرنەت پلاتفورما قۇرۋعا قارسىمىن - اسحات ايماعامبەتوۆ

28 رەت كورسەتىلدى

ءبىلىم جانە عىلىم ءمينيسترى اسحات ايماعامبەتوۆ ەلىمىزدە وقۋشىلاردى ونلاين رەجيمدە وقىتۋ ءۇشىن Zoom ينتەرنەت-الاڭىنىڭ بالاماسى جاسالۋى مۇمكىن بە، - دەگەن سۇراققا جاۋاپ بەردى، - دەپ حابارلايدى Egemen.kz

"جالپى بۇل باعىتتا مەنىڭ ۇستانىمىم مىناداي: مەملەكەتتىڭ ەسەبىنەن ينتەرنەت-الاڭ بولسىن، باسقا دا پلاتفورما بولسىن قۇرۋعا قارسىمىن. تاجىريبە كورسەتىپ وتىرعانداي، بۇل ءىستىڭ ارتى جاقسى بولمايدى"، - دەدى اسحات ايماعامبەتوۆ. 

سونداي-اق، ءبىلىم جانە عىلىم ءمينيسترى وتاندىق ءبىلىم بەرۋ جۇيەسىندە ۇلتتىق ءبىلىم بەرۋ دەرەك قورى بار ەكەنىن ايتتى. ونىڭ ىشىندە جەكە مالىمەتتەر بار.

"بۇل – باستى ءارى مەملەكەتتىك بازا. ول كەزىندە قۇرىلعان. سونى پايدالانىپ، دامىتامىز. Kundelik، Daryn online، Bilimland سەكىلدى كوپتەگەن جۇيەنى مەملەكەتتىك جۇيەمەن اۋىستىرۋدىڭ مەنىڭشە قاجەتتىگى جوق. مەن نارىققا كوبىرەك سەنەمىن. باسەكەلەستىك بولۋى كەرەك"، - دەدى ول.

 

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار