ءبىلىم • 11 شىلدە، 2020

بيىل وقۋشىلارعا مەكتەپ فورماسىن كيۋ ۋاقىتشا مىندەتتەلمەيدى

824 رەت كورسەتىلدى

بۇل تۋرالى ءبىلىم جانە عىلىم ءمينيسترى اسحات ايماعامبەتوۆ  وكق ۇيىمداستىرعان بىلىم جانە عىلىم سالاسىنداعى وزەكتى ماسەلەلەر جونىندەگى بريفينگتە مالىمدەدى، - دەپ حابارلايدى Egemen.kz.

ء"بىز بۇل بۇيرىققا ارنايى تارماق ەنگىزەمىز. ياعني ول تارماققا توتەنشە جاعداي، كارانتين، شەكتەۋ شارالارى مەن باسقا دا فورس-ماجور جاعدايلار جاتادى. ءدال وسىنداي جاعدايلاردا بالالارعا كلاسسيكالىق ىسكەرلىك كيىممەن كەلۋگە رۇقسات بەرەمىز»، - دەدى اسحات ايماعامبەتوۆ.

اتا-انالاردىڭ  مەكتەپ فورماسىن الۋعا جاعدايى بولماسا بالالارعا قاراپايىم كلاسسيكالىق كيىم الىپ بەرۋگە بولاتىن ايتقان مينيستر بقل شەشىمنىڭ قازىرگى جاعدايدا شەشىمى زور ەكەنىن باسا ايتتى. 

ايتا كەتەيىك، پرەزيدەنت قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا اكىمدىكتەر جاڭا وقۋ جىلىنا دەرەۋ دايىندالىپ، مەكتەپتەر مەن جەكەلەگەن مۇقتاج وتباسىلاردى قاجەتتى تەحنيكامەن جابدىقتاۋعا ءتيىس ەكەنىن ايتقان.

"1 قىركۇيەكتە جاڭا وقۋ جىلى باستالادى. مينيسترلىكتىڭ بۇل وقيعاعا دايىندىعىنا كۇمانىم بار. بالالار قالاي وقيدى – مەكتەپتە نەمەسە قاشىقتا؟ مۇعالىمدەردىڭ جاڭا وقۋ جىلىنا دايىندىعى قانداي؟"، - دەپ سۇراق قويىپ ەدى.



سوڭعى جاڭالىقتار

ۇقساس جاڭالىقتار